ନିୟମିତ ସକାଳ ଜଳଖିଆରେ ଗୋଟିଏ କଦଳୀ ଖାଇବା ଦ୍ୱାରା ଜୀବନ ଯାକ ଏହି ଶାରୀରିକ ସମସ୍ୟାରୁ ଦୂରେଇ ରଖିବ। କଦଳୀ ସ୍ୱାସ୍ଥ୍ୟ ପାଇଁ ଖୁବ ଉପକାରୀ। ଏଥିରେ ଅନେକ ପୋଷକ ତତ୍ତ୍ୱ ଯେପରି ପୋଟାସିୟମ, ଭିଟାମିନ ସି ଓ ଭିଟାମିନ ବି୬ ରହିଛି।
ସକାଳର ଜଳଖିଆରେ ଅନ୍ୟ ଖାଦ୍ୟ ସହ କଦଳୀ ଖାଇଲେ ଶରୀର ପାଇଁ ବେଶ ଲାଭଦାୟକ ହୋଇଥାଏ। ଏହା ଦ୍ୱାରା ଶରୀରକୁ ତୁରନ୍ତ ଶକ୍ତି ମିଳିଥାଏ। କଦଳୀରେ ଭରପୁର ମାତ୍ରାରେ ଫାଇବର ରହିଛି। ଏହା ରକ୍ତରେ ଶର୍କରାର ସ୍ତର ସଠିକ କରିବା ସହ ପାଚନ ତନ୍ତ୍ରକୁ ସୁସ୍ଥ ରଖିବାରେ ସହାୟକ ହୋଇଥାଏ।
ସକାଳର ଜଳଖିଆରେ ନିୟମିତ ଗୋଟିଏ କଦଳୀ ଖାଇଲେ ମିଳେ ଏହି ସବୁ ଲାଭ..
କଦଳୀରେ ପର୍ଯ୍ୟାପ୍ତ ମାତ୍ରାରେ ପୋଟାସିୟମ ରହିଥାଏ, ଏହା ହାଡ ପାଇଁ ବେଶ ଲାଭଦାୟକ ବୋଲି କୁହାଯାଏ।
କଦଳୀରେ ପୋଟାସିୟମ ସହ ସେରୋଟୋନିନ, ଭିଟାମିନ ବି୬ ମିଳିଥାଏ। ଯାହା ଉଚ୍ଚ ରକ୍ତଚାପ, ମାନସିକ ଦୁଃଶ୍ଚିନ୍ତାକୁ ଦୂର କରିବା ସହ ସ୍ନାୟୁକୁ ଶାନ୍ତ ରଖିବାରେ ସହାୟକ ହୋଇଥାଏ।
ନିୟମିତ ଗୋଟିଏ କଦଳୀ ଖାଇବା ଦ୍ୱାରା ଏନିମିଆ ହେବାର ଭୟ ନଥାଏ। ଏଥିରେ ପର୍ଯ୍ୟାନ୍ତ ମାତ୍ରାରେ ଆଇରନ ରହିଛି। ଯାହା ଏନିମିଆର ହେବାର ସମ୍ଭାବନାକୁ ଯଥେଷ୍ଟ କମ୍ କରିଥାଏ।
ଚିଡ୍ଚିଡାପଣ ଦୂର କରିଥାଏ।
କଦଳୀ ଭୋକକୁ ମଧ୍ୟ ନିୟନ୍ତ୍ରଣ କରିଥାଏ। କଦଳୀ ଖାଇବା ଦ୍ୱାରା ଅଧିକ ସମୟ ଯାଏଁ ପେଟ ଭର୍ତ୍ତି ହେବା ଭଳି ରହିଥାଏ। ବାରମ୍ବାର ଖାଦ୍ୟ ଖାଇବାର ଅଭ୍ୟାସ ଥିଲେ, ଏହା ନିୟନ୍ତ୍ରଣ ହୋଇଥାଏ।
କଦଳୀରେ ପ୍ରଚୁର ମାତ୍ରାରେ ମେଗ୍ନେସିୟମ ମିଳିଥାଏ। ଏହା ମସ୍ତିଷ୍କ ଓ ମନକୁ ଶାନ୍ତ ଓ ଖୁସି ରଖିବାରେ ସହାୟକ ହୋଇଥାଏ।
