ଗୁରୁଡ଼ିଝାଟିଆ: ମାଧବପୁରସ୍ଥିତ ଗୋପବନ୍ଧୁ ନର୍ସିଂ କଲେଜ ପକ୍ଷରୁ ଆଧ୍ୟାତ୍ମିକ କେନ୍ଦ୍ର ପରିସରରେ ମକର ସଂକ୍ରାନ୍ତି ପାଳିତ ହୋଇଯାଇଛି। ଅନ୍ତେବାସୀ ବିଦ୍ୟାର୍ଥୀ ଗୋପବନ୍ଧୁ ଚିକିତ୍ସାଳୟର କର୍ମଚାରୀ ଓ ସ୍ଥାନୀୟ ଅଞ୍ଚଳର ମୁରବୀ ପ୍ରମୁଖ ଉପସ୍ଥିତ ରହି ମକର ଉତ୍ସବ ପାଳନ କରିଥିଲେ। ନର୍ସିଂ କଲେଜ ଓ ଗୋପବନ୍ଧୁ ଚିକିତ୍ସାଳୟ ପରିଚାଳନା କମିଟି ଅଧ୍ୟକ୍ଷ ନିରଞ୍ଜନ ରଥ ଉପସ୍ଥିତ ରହି ଆମ ସଂସ୍କୃତି ଓ ପରମ୍ପରା ବ୍ୟବସ୍ଥାରେ ମକର ସଂକ୍ରାନ୍ତିର ଭୂମିକା ସଂପର୍କରେ ଆଲୋକପାତ କରିଥିଲେ। ଆଧ୍ୟାତ୍ମିକ ପରିସରସ୍ଥ ବିରାଜମାନ ଦିଅଁ ଶ୍ରୀଚନ୍ଦ୍ରଶେଖର, ହନୁମାନଜୀ, ମହାନୀଳସରସ୍ୱତୀ, ଜଗନ୍ନାଥ, ବଳଭଦ୍ର, ସୁଭଦ୍ରା, ଶ୍ରୀରାମ, ଲକ୍ଷ୍ମଣ, ସୀତାଦେବୀ ଓ ଲକ୍ଷ୍ମୀନାରାୟଣଙ୍କ ନିକଟରେ ମକର ଭୋଗ ଅର୍ପଣ ପରେ ଉପସ୍ଥିତ ବିଦ୍ୟାର୍ଥୀ ଓ ଆଗନ୍ତୁକ ଅତିଥିମାନଙ୍କୁ ଭୋଗ ପ୍ରଦାନ କରାଯାଇଥିଲା।
- Advertisement -
