ପାଟଣା: କେନ୍ଦୁଝର ଜିଲ୍ଲା ପାଟଣା ଥାନା ଅନ୍ତର୍ଗତ ୨୨୦ ନମ୍ବର ଜାତୀୟ ରାଜପଥର ଖଜୁରିଡିହା ଛକରେ ଥିବା ଲକ୍ଷ୍ମୀ ବିଶ୍ରାମ ଗୃହକୁ ଗୁରୁବାର ସକାଳୁ ଏକ ହାଇଓ୍ବା ଧକ୍କା ଦେବାରୁ ଗୃହଟି ଚୁରମାର ହୋଇଯାଇଛି। ସେଠାରେ ବସ୍ ଅପେକ୍ଷାରେ ଥିବା ଯାତ୍ରୀମାନେ ଅଳ୍ପକେ ବର୍ତ୍ତି ଯାଇଛନ୍ତି। ହାଇଓ୍ବାଟି ସାହାରପଡାରୁ ପାଟଣା ଅଭିମୁଖେ ଆସୁଥିବାବେଳେ ଭାରସାମ୍ୟ ହରାଇ ଯାତ୍ରୀ ବିଶ୍ରାମ ଗୃହକୁ ଧକ୍କା ଦେଇଥିଲା।
ସୂଚନାଯୋଗ୍ୟ ଯେ, ଏଠାରେ ଥିବା ପୁରୁଣା ବିଶ୍ରାମ ଗୃହକୁ ମାତ୍ର ତିନି ଚାରି ଦିନ ପୂର୍ବରୁ ରଙ୍ଗ ମାରି ଓଡ଼ିଶା ସରକାରଙ୍କ ଲକ୍ଷ୍ମୀ ବିଶ୍ରାମ ଗୃହ ଲେଖା ଯାଇଥିଲା। ଯାହା ରାଜ୍ୟ ସରକାରଙ୍କ ଲକ୍ଷ୍ମୀ ବିଶ୍ରାମ ଗୃହ ଯୋଜନାର ଅସଲ ବାସ୍ତବତା ପଦାରେ ପଡିଯାଇଥିବା ଏବେ ସାଧାରଣରେ ଚର୍ଚ୍ଚାର ବିଷୟ ହୋଇଛି।
