ମୁମ୍ବଇ: ବିରାଟ କୋହଲି ନ୍ୟୁଜିଲାଣ୍ଡ ବିପକ୍ଷ ବିଶ୍ୱକପ ସେମିଫାଇନାଲରେ ନିଜର ଦିନିକିଆ କ୍ୟାରିୟରର ୫୦ତମ ଶତକ ହାସଲ କରି ସଚିନ ତେନ୍ଦୁଲକରଙ୍କ ବିଶ୍ୱ ରେକର୍ଡ ଭାଙ୍ଗିଛନ୍ତି। କୋହଲି ୨୯୧ତମ ମ୍ୟାଚରେ ସଚିନଙ୍କ ଏହି ମହାରେକର୍ଡ଼ ଭାଙ୍ଗି ଦେଇଛନ୍ତି। ଏଠାରେ ସୂଚନାଯୋଗ୍ୟ, ସଚିନ ତେନ୍ଦୁଲକର ତାଙ୍କ ଦିନିକିଆ କ୍ୟାରିୟରରେ ୪୬୩ ମ୍ୟାଚରେ ୧୮୪୨୬ ରନ୍ କରିଥିଲେ, ଯେଉଁଥିରେ ୪୯ ଦିନିକିଆ ଶତକ ତାଙ୍କ ନାଁରେ ଥିଲା। ଏବେ କେହାଲି ୫୦ତମ ଶତକ ହାସଲ କରି ତେନ୍ଦୁଲକରଙ୍କ ଦିନିକିଆରେ ସର୍ବାଧିକ ଶତକ ହାସଲ କରିବାର ରେକର୍ଡ ଭାଙ୍ଗିଛନ୍ତି।
