କଟକ: ଅଗ୍ରଣୀ ରାଷ୍ଟ୍ରାୟତ୍ତ ବ୍ୟାଙ୍କ, ବ୍ୟାଙ୍କ ଅଫ୍ ବରୋଦା କଟକ କ୍ଷେତ୍ରୀୟ କାର୍ଯ୍ୟାଳୟ ପକ୍ଷରୁ ୭୭ ତମ ସ୍ୱାଧିନତା ଦିବସ ପାଳିତ ହୋଇଯାଇଛି । ଏହି ଅବସରରେ ବ୍ୟାଙ୍କର କଟକ କ୍ଷେତ୍ରର କ୍ଷେତ୍ରୀୟ ମୁଖ୍ୟ ରଞ୍ଜିତ କୁମାର କ୍ଷେତ୍ରୀୟ କାର୍ଯ୍ୟାଳୟ ପରିସରରେ ପତାକା ଉତ୍ତୋଳନ କରିଥିଲେ । ଏଥିରେ କଟକ କ୍ଷେତ୍ରୀୟ କାର୍ଯ୍ୟାଳୟ ଓ ମୁଖ୍ୟ ଶାଖାର ଅଧିକାରୀ ଓ କର୍ମଚାରୀଗଣ ଉପସ୍ଥିତ ଥିଲେ ।
ଏହି ଉପଲକ୍ଷେ ବ୍ୟାଙ୍କର ପରିଚାଳନା ନିର୍ଦ୍ଦେଶକ ତଥା ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଦେବଦତ୍ତ ଚାନ୍ଦ କହିଛନ୍ତି ଯେ, ଆମେ ସ୍ୱାଧିନତା ଦିବସ ପାଳନ କରୁଥିବା ଅବସରରେ ବ୍ୟାଙ୍କ ଅଫ୍ ବରୋଦା ଦେଶ ପ୍ରତି ନିଜ ପ୍ରତିବଦ୍ଧତାକୁ ପୁନଃ ସୁନିଶ୍ଚିତ କରୁଅଛି । ଦେଶର ଆର୍ଥିକ, ସାମାଜିକ ତଥା ଡିଜିଟାଲ ଇଣ୍ଡିଆ ଏଜେଣ୍ଡାକୁ ସଶକ୍ତ କରିବାରେ ବ୍ୟାଙ୍କ ଅଫ୍ ବରୋଦା ନିରନ୍ତର ଅଗ୍ରଣୀ ଭୂମିକା ନିର୍ବାହ କରୁଛି । ସ୍ୱାଧିନତା ଦିବସ ଅବସରରେ ବ୍ୟାଙ୍କର ମୁମ୍ବାଇସ୍ଥିତ କର୍ପୋରେଟ୍ କାର୍ଯ୍ୟାଳୟ ସମେତ ସାରା ଦେଶରେ ବିଭିନ୍ନ କାର୍ଯ୍ୟାଳୟରେ ପତାକା ଉତ୍ତୋଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ହର୍ ଘର ତ୍ରିରଙ୍ଗା ଅଭିଯାନ ଅନ୍ତର୍ଗତ ବ୍ୟାଙ୍କ କର୍ମଚାରୀମାନେ ସକ୍ରିୟ ଅଂଶଗ୍ରହଣ କରିଥିଲେ । ବ୍ୟାଙ୍କ ପକ୍ଷରୁ ଅଗଷ୍ଟ ୧୪ ତାରିଖରେ “ବିଭାଜନ ବିଭିଷୀକା ସ୍ମୃତି ଦିବସ”କୁ ମନେରଖିବା ପାଇଁ ସମଗ୍ର ଦେଶରେ ୭୦ଟି ପ୍ରମୁଖ ସ୍ଥାନରେ ପ୍ରଦର୍ଶନୀର ଆୟୋଜନ କରାଯାଇଥିଲା । ବ୍ୟାଙ୍କ ଅଫ୍ ବରୋଦାର କର୍ମଚାରୀମାନେ ରାଷ୍ଟ୍ର ପ୍ରତି ଥିବା ନିଜର
ନିଷ୍ଠା, ସମର୍ପଣ ଏବଂ ସମ୍ମାନର ପ୍ରଦର୍ଶନ କରିବାକୁ ସଂକଳ୍ପ ନେଇଥିଲେ ।
Comments are closed.