କେନ୍ଦୁଝରଗଡ଼: କେନ୍ଦୁଝର ଜିଲାର ବରିଷ୍ଠ ଦଳିତ କଂଗ୍ରେସ ନେତା ରତ୍ନାକର ଜେନା କେନ୍ଦୁଝର ସଦର ବିଧାନସଭା ନିର୍ବାଚନ ମଣ୍ଡଳୀର କଂଗ୍ରେସ ସଂଯୋଜକ ଭାବେ ନିଯୁକ୍ତ ହୋଇଛନ୍ତି। ଅଖିଳ ଭାରତୀୟ କଂଗ୍ରେସ କମିଟି ନିଷ୍ପତ୍ତି ଅନୁଯାୟୀ ରାଜ୍ୟର ସମସ୍ତ ୫୭ଟି ଅନୁସୂଚିତ ଜାତି ଓ ଜନଜାତି ବିଧାନସଭା ନିର୍ବାଚନ ମଣ୍ଡଳୀରେ ସଂଗଠନକୁ ସୁଦୃଢ କରି ନୂତନ ଓ ଦକ୍ଷ ନେତୃତ୍ୱ ସୃଷ୍ଟି କରିବା ଏବଂ ପଛୁଆବର୍ଗ, ସଂଖ୍ୟାଲଘୁ ଲୋକମାନଙ୍କୁ କଂଗ୍ରେସ ସହିତ ଅଧିକରୁ ଅଧିକ ଯୋଡ଼ିବା ପାଇଁ ୫୭ ଗୋଟି ବିଧାନସଭା ନିର୍ବାଚନ ମଣ୍ଡଳୀ ପାଇଁ ସଂଯୋଜକ ନିଯୁକ୍ତି ପାଇଁ ପିସିସି ସଭାପତି ଶରତ ପଟ୍ଟନାୟକଙ୍କ ପ୍ରସ୍ତାବକ୍ରମେ ଏଆଇସିସି ଅନୁମୋଦନ କରିଛନ୍ତି। ଏଆଇସିସି ଅନୁସୂଚିତ ଜାତି, ଜନଜାତି, ପଛୁଆବର୍ଗ ଓ ସଂଖ୍ୟାଲଘୁ ବର୍ଗ ବିଭାଗ ରାଷ୍ଟ୍ରୀୟ ସଂଯୋଜକ କେ. ରାଜୁ ଅନୁସୂଚିତ ଜାତି ପାଇଁ ୨୪ ଗୋଟି ଓ ଅନୁସୂଚିତ ଜନଜାତି ପାଇଁ ୩୩ଗୋଟି ବିଧାନସଭା ନିର୍ବାଚନ ମଣ୍ଡଳୀ ପାଇଁ ସଂଯୋଜକ ନିଯୁକ୍ତି କରିଛନ୍ତି। କେନ୍ଦୁଝର ଜିଲାର ବରିଷ୍ଠ ଦଳିତ କଂଗ୍ରେସ ନେତା ରତ୍ନାକର ଜେନାଙ୍କୁ କେନ୍ଦୁଝର ସଦର ବିଧାନସଭା ନିର୍ବାଚନ ମଣ୍ଡଳୀ(ଏସଟି) ପାଇଁ ସଂଯୋଜକ ଭାବେ ନିଯୁକ୍ତି କରିଛନ୍ତି। ଶ୍ରୀ ଜେନା କଂଗ୍ରେସ ଦଳର ଜଣେ ବରିଷ୍ଠ କଂଗ୍ରେସ ନେତା ଓ ପୂର୍ବରୁ ଜିଲା ଦଳିତ କଂଗ୍ରେସ ସଭାପତି ଥିଲେ। ଶ୍ରୀ ଜେନା ତାଙ୍କ ନିଯୁକ୍ତି ପାଇଁ ପୂର୍ବତନ ପିସିସି ସଭାପତି ନିରଞ୍ଜନ ପଟ୍ଟନାୟକ, ପିସିସି ସଭାପତି ଶରତ ପଟ୍ଟନାୟକ, ପୂର୍ବତନ ପିସିସି ସଭାପତି ଜୟଦେବ ଜେନା, ଜ଼ିଲ୍ଲା କଂଗ୍ରେସ ସଭାପତି ମୋହନ ପରିଡା, ପିସିସି ସାଧାରଣ ସମ୍ପାଦକ ଆଲୋକ ମିଶ୍ର, ପିସିସି ସମ୍ପାଦକ ସଂଗ୍ରାମ ଦାସ, ପିସିସି ଅନୁସୂଚିତ ଜାତି ବିଭାଗର ଅଧ୍ୟକ୍ଷ ବାଙ୍କାନିଧି ବେହେରା ଏବଂ ପିସିସି ସଭ୍ୟ ଲଳିତ ମୋହନ ନାୟକଙ୍କୁ କୃତଜ୍ଞତା ଜଣାଇଛନ୍ତି।
Popular Categories
Previous article
Next article