ଜୟପୁର: ସୀମା ହାଇଦରର କାହାଣୀ ନୂଆ ମୋଡ଼ ନେଉଥିବାବେଳେ ଏବେ ପୁଣି ଏକ ପ୍ରେମ କାହାଣୀ ଚର୍ଚ୍ଚାରେ ରହିଛି। ପ୍ରେମ ପାଇଁ ପ୍ରେମିକକୁ ଭେଟିବାକୁ ସବୁ ସରହଦ ଡେଇଁ ପାକିସ୍ତାନରେ ପହଞ୍ଚିଛନ୍ତି ରାଜସ୍ଥାନର ମହିଳା ଅଞ୍ଜୁ। ସୂଚନା ଅନୁସାରେ, ଫେସବୁକରେ ପାକିସ୍ତାନର ଖୈବର ନସରୁଲ୍ଲହାଙ୍କ ସହ ଅଞ୍ଜୁଙ୍କ ବନ୍ଧୁତା ହୋଇଥିଲା । ବନ୍ଧୁତା ପରେ ପ୍ରେମରେ ରୂପାନ୍ତର ହୋଇଥିଲା। ପରସ୍ପର ମଧ୍ୟରେ ପ୍ରେମ ହେବାରୁ ପାକିସ୍ତାନର ଖୈବର-ପଖତୁନଖ୍ବାରଙ୍କୁ ଭେଟିବାକୁ ସୀମା ପାର ହୋଇ ଯାଇଛନ୍ତି ରାଜସ୍ଥାନର ଜନୈକା ମହିଳା ଅଞ୍ଜୁ। ସେ ସ୍ବାମୀ ଅରବିନ୍ଦ ଓ ପିଲାଙ୍କ ସହ ଭିୱାଡ଼ିରେ ଭଡ଼ା ଘରେ ରହୁଥିଲେ। ଏକ ଘରୋଇ ସଂସ୍ଥାରେ କାମ କରୁଛନ୍ତି ଅଞ୍ଜୁ । ଜୟପୁର ଯିବା ବାହାନାରେ ଘରୁ ବାହାରିଥିଲେ । ହେଲେ ରବିବାର ସନ୍ଧ୍ୟାରେ ସ୍ବାମୀଙ୍କୁ ଲାହୋର ଯାଉଥିବା କହିଥିଲେ ବୋଲି ତାଙ୍କ ସ୍ବାମୀ କହିଛନ୍ତି। ମିଳିଥିବା ସୂଚନା ଅନୁସାରେ, ପାକିସ୍ତାନରେ ପହଞ୍ଚିବା ପରେ ତାଙ୍କୁ ଗିରଫ କରାଯାଇଥିବାବେଳେ ଡକୁମେଣ୍ଟ ଯାଞ୍ଚ ସରିବା ପରେ ଅଞ୍ଜୁଙ୍କୁ ଛାଡ଼ି ଦିଆଯାଇଥିବା ଜଣାପଡ଼ିଛି ।
Comments are closed.