ଭୁବନେଶ୍ବର: ବାନ୍ଧବୀଙ୍କ ପାଇଁ ୨ଟି ବାରରେ ଗଣ୍ଡଗୋଳ ଘଟି ୧୦ଜଣଙ୍କୁ ଗିରଫ କରାଯାଇଛି। ଚନ୍ଦ୍ରଶେଖରପୁର ଥାନା ଅଞ୍ଚଳରେ ଥିବା ୨ଟି ବାରରେ ଏହି ଗଣ୍ଡଗୋଳ ଘଟିଛି। ଏକ ବାରକୁ ଯାଇଥିବା ଜଣେ ଯୁବତୀକୁ ବାର କର୍ମଚାରୀ ଦୁର୍ବ୍ୟବହାର କରିଥିବା ଅଭିଯୋଗ ହୋଇଛି। ଏ ସଂକ୍ରାନ୍ତରେ ଯୁବତୀ ଜଣକ ତାଙ୍କର ପୁରୁଷ ବନ୍ଧୁଙ୍କୁ ଜଣାଇଥିଲେ। ବାନ୍ଧବୀଙ୍କୁ ଦୁର୍ବ୍ୟବହାର କରାଯାଇଥିବା ଖବର ପାଇ ନିଜର ସାଥୀଙ୍କ ସହ ଘଟଣାସ୍ଥଳରେ ପହଞ୍ଚିଥିଲା ପୁରୁଷବନ୍ଧୁ। ଯୁବତୀଙ୍କ ପୁରୁଷ ବନ୍ଧୁ ଓ ତାଙ୍କ ସାଥୀଙ୍କୁ ଦେଖି ଦୁର୍ବ୍ୟବହାର କରିଥିବା ବାର କର୍ମଚାରୀ ଅନ୍ୟଏକ ବାରକୁ ପଶି ଯାଇଥିଲେ। ସେଠାରେ ଉଭୟ ପକ୍ଷ ମଧ୍ୟରେ ଗଣ୍ଡଗୋଳ ଓ ମାରପିଟ ହୋଇଥିଲା। ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚିଥିଲା ଏବଂ ପରିସ୍ଥିତିକୁ ନିୟନ୍ତ୍ରଣାଧୀନ ରଖିଥିଲା। ଏହାପରେ ୨ଟି ବାରରେ ଗଣ୍ଡଗୋଳ କରିବା ଅଭିଯୋଗରେ ପୁଲିସ ୧୦ଜଣଙ୍କୁ ଗିରଫ କରିଥିଲା।
Comments are closed.