ନୂଆଦିଲ୍ଲୀ : ମଧ୍ୟ ପ୍ରଦେଶର ମୁଖ୍ୟମନ୍ତ୍ରୀ ତଥା ବରିଷ୍ଠ ବିଜେପି ନେତା ଶିବରାଜ ସିଂହ ଚୌହାନଙ୍କ ନିଜ ଶାଳକ ସଞ୍ଜୟ ସିଂହ କଂଗ୍ରେସରେ ଯୋଗ ଦେଇଛନ୍ତି। କଂଗ୍ରେସରେ ଯୋଗ ଦେବା ସହ ସେ ଶିବରାଜଙ୍କ ସରକାର ଉପରେ ବର୍ଷିଛନ୍ତି।
ଦିଲ୍ଲୀସ୍ଥିତ କଂଗ୍ରେସ ମୁଖ୍ୟାଳୟରେ ମଧ୍ୟପ୍ରଦେଶ କଂଗ୍ରେସ ଅଧ୍ୟକ୍ଷ କମଳନାଥ ଏବଂ ଜ୍ୟୋତିରାଦିତ୍ୟ ସିନ୍ଧିଆଙ୍କ ଉପସ୍ଥିତିରେ ସେ କଂଗ୍ରେସର ସଦସ୍ୟତା ଗ୍ରହଣ କରିଛନ୍ତି। ଏହି ଅବସରରେ ସେ କହିଛନ୍ତି କି ମଧ୍ୟ ପ୍ରଦେଶକୁ ‘ରାଜ’ ନୁହେଁ ‘ନାଥ’ଙ୍କର ଆବଶ୍ୟକତା ରହିଛି। ସଞ୍ଜୟ ସିଂହ ଶିବରାଜ ସିଂହ ଚୌହାନଙ୍କ ପତ୍ନୀ ସାଧନା ସିଂହଙ୍କ ଭାଇ।
କଂଗ୍ରେସ ଦଳରେ ସାମିଲ ହେବା ପରେ ସଞ୍ଜୟ ସିଂହ କହିଛନ୍ତି ଯେ, ‘ମୁ ଶିବରାଜ ସିଂହ ଚୌହାନଙ୍କ ପରିବାରର ସଦସ୍ୟ ନୁହେଁ, ମୁଁ ତାଙ୍କର ସଂପର୍କୀୟ ଥିଲି। ଚୌହାନଙ୍କ ଶାସନରେ ମଧ୍ୟ ପ୍ରଦେଶ ବହୁତ କ୍ଷତିଗ୍ରସ୍ତ ହୋଇଛି ବୋଲି ଅଭିଯୋଗ କରିଛନ୍ତି।’ ବିଜେପିରେ ତୃଣମୂଳ ସ୍ତରର କାର୍ଯ୍ୟକର୍ତ୍ତାଙ୍କୁ ଅଣଦେଖା କରାଯାଇଛି ବୋଲି ସେ ଅଭିଯୋଗ କରିଛନ୍ତି। ଅନ୍ୟପକ୍ଷରେ କଂଗ୍ରେସ ସଞ୍ଜୟ ସିଂହଙ୍କୁ ବାଲାଘାଟ ଆସନରୁ ଛିଡା କରିବା ନେଇ ଆଶା କରାଯାଉଛି।
କଂଗ୍ରେସରେ ଯୋଗ ଦେଲେ ମୁଖ୍ୟମନ୍ତ୍ରୀ ଶିବରାଜଙ୍କ ଶାଳକ ସଞ୍ଜୟ ସିଂହ
Popular Categories
Previous article
Next article