ସିନିୟର ଫିଡେ ରେଟିଂ ରାଜ୍ୟସ୍ତରୀୟ ଚେସ୍‍: ରାଜେଶ ଚମ୍ପିଆନ

ବୌଦ୍ଧ: ରାଜ୍ୟ ଚେସ ଆସୋସିଏସନ ସହଯୋଗରେ ବୌଦ୍ଧଜିଲା ଚେସ ଆସିଏସନ ପକ୍ଷରୁ ବୌଦ୍ଧ ଇନଡୋର ଷ୍ଟାଡିୟମରେ ଚାଲିଥିବା ୫୯ତମ ସିନିୟର ଫିଡେ ରେଟିଂ ରାଜ୍ୟସ୍ତରୀୟ ଚେସ ପ୍ରତିଯୋଗିତା ମଙ୍ଗଳବାର ଉଦ୍‍ଯାପିତ ହୋଇଯାଇଛି। ପ୍ରତିଯୋଗିତାରେ ପୁରୀର ରାଜେଶ ନାଏକ ଚମ୍ପିଆନ ହୋଇଥିବା ବେଳେ, ପୁରୀର ବୈଭବ ମିଶ୍ର ୨ୟ, ଖୋର୍ଦ୍ଧାର ରୁତୁମ୍ବରା ବିଭାର ୩ୟ ଓ କେନ୍ଦ୍ରାପଡାର ସ୍ମାରକୀ ମହାନ୍ତି ୪ର୍ଥ ସ୍ଥାନ ଅଧିକାର କରିଥିଲେ। ଚମ୍ପିଆନ ୮ ହଜାର, ରନର୍ସଅପ୍‍ ୫ ହଜାର, ୩ୟ ପ୍ରତିଯୋଗୀକୁ ୪ ହଜାରଓ ୪ର୍ଥ ପ୍ରତିଯୋଗୀଙ୍କୁ ୩ ହଜାର ଟଙ୍କା ସହ ଟ୍ରଫି ମିଳିଥିଲା। ଏହି ପ୍ରତିଯୋଗିତାରେ ବରଗଡର ଦୃଷ୍ଟିହୀନ ଚେସ ଖେଳାଳିଙ୍କୁ ମଧ୍ୟ ଚେସ୍‍ ଆସୋସଏସନ ପକ୍ଷରୁ ମାନପତ୍ର ଓ ଉପଢୌଙ୍କନ ଦେଇ ପରୁସ୍କୃତ କରାଯାଇଥିଲା। ୫ମ ସ୍ଥାନରେ ଖୋର୍ଦ୍ଧାର ରାକେଶ କୁମାର ନାଏକ, ୬ଷ୍ଠ ସ୍ଥାନରେ କଟକର ରବୀନ୍ଦ୍ର କୁମାର ଓଝା, ୭ମ ସ୍ଥାନରେ କିସର ମହିନ୍ଦ୍ର କାର୍ଜୀ, ୮ମ ସ୍ଥାନରେ ପୋଷ୍ଟାଲର ମନୋଜ କୁମାର ପାଣିଗ୍ରାହୀ, ୯ମ ସ୍ଥାନରେ ଢେଙ୍କାନାଳର ବିଶାଳ ପଟନାୟକ ଓ ୧୦ମ ସ୍ଥାନରେ ଥିବା କିସର ତପନ ବଡମୁଣ୍ଡି ପୁରସ୍କୃତ ହୋଇଥିଲେ।
ଉଦଯାପନ ଉତ୍ସବରେ ବାଚସ୍ପତି ପ୍ରଦୀପ କୁମାର ଅମାତ ମୁଖ୍ୟଅତିଥି ଥିଲେ। ଜିଲାପାଳ ସୀତାଂଶୁ କୁମାର ରାଉତ ଓ ପ୍ରକଳ୍ପ ନିର୍ଦେଶକ ରାଜନ୍ଦ୍ରେ କୁମାର ପଟନାୟକ ଉପସ୍ଥିତ ଥିଲେ। ରାଜ୍ୟ ଚେସ ଆସୋସିଏସନର ଉପସଭାପତି ରଞ୍ଜନ ମହାନ୍ତିଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ଜିଲା ଚେସ ଏସୋସିଏସନର ସମ୍ପାଦକ ଶଙ୍କର ପ୍ରସାଦ ମିଶ୍ର , ରାଜ୍ୟ ଚେସ୍‍ ଆସୋସିଏସନର କୋଷାଧ୍ୟକ୍ଷ ଜି.ସି. ମହାପାତ୍ର, ଆର୍ବିଟର ଭବେଶ ମହାନ୍ତି ଓ ନିହାର ସାସମଲ, ଜିଲା ଚେସ ଆସୋସିଏସନର ସଦସ୍ୟ ଯଦୁମଣି ପ୍ରଧାନ ଓ ଜିଲା କାର୍ଯ୍ୟକାରୀ ସଦସ୍ୟ ଗଜେନ୍ଦ୍ର କୁମାର ସାହୁ ଉପସ୍ଥିତ ଥିଲେ। କାର୍ଯ୍ୟକାରୀ ସଦସ୍ୟ ଗଜେନ୍ଦ୍ର କୁମାର ସାହୁ ଧନ୍ୟବାଦ ଦେଇଥିଲେ। ପ୍ରତିଯୋଗିତାରେ ପ୍ରଥମ ୪ ଜଣ ଜାତୀୟ ସ୍ତରରେ ଭାଗନେବାକୁ ଯୋଗ୍ୟତା ଅର୍ଜନ କରିଛନ୍ତି।