ଦେବଗଡ଼: ବାର୍ହା ଫାଶ ନେଲା ମଣିଷ ଜୀବନ । ବାର୍ହା ପାଇଁ ବସାଯାଇଥିବା ଫାଶରେ ପଡ଼ି ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଛି । ରିଆମାଳ ଥାନା ନିଶାବୀରା ଗାଁରେ ଏପରି ଏକ ଅଭାବନୀୟ ଘଟଣା ଘଟିଥିବା ବେଳେ ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରିଛି । ମୃତ ବ୍ୟକ୍ତି ଜଣକଙ୍କ ପରିଚୟ ଜଣାପଡ଼ି ନାହିଁ । ତେବେ ବ୍ୟକ୍ତି ଜଣକ ସେହି ଅଞ୍ଚଳର ହୋଇଥିବା ଅନୁମାନ କରାଯାଉଛି । ପୁଲିସ ଏନେଇ ତଦନ୍ତ କରୁଥିବା ବେଳେ ବାର୍ହା ଶିକାର ପାଇଁ ଗାଁର କିଛି ଲୋକ ଫାଶ ବସାଇଥିବା ସନ୍ଦେହ କରାଯାଉଛି । କିଏ ଫାଶ ବସାଇଲା ଓ ଏହା ଫଛରେ କେତେଜଣଙ୍କ ସମ୍ପୃକ୍ତି ରହିଛି ସେନେଇ ପୁଲିସ ତନାଘାନା କରୁଛି । ଫାଶଟି ବିଦ୍ୟୁତ୍ ସଂସ୍ପର୍ଶରେ ଆସିଥିବାରୁ ବ୍ୟକ୍ତିଙ୍କ ଜୀବନ ଯାଇଥିବା ପୁଲିସ ସ୍ପଷ୍ଟ କରିଛି ।
Comments are closed.