ହରଭଙ୍ଗା: ହରଭଙ୍ଗା ପଂଚାୟତର ୧୦ଟି ରାଜସ୍ୱ ଗ୍ରାମର ୧୨ଶହ ହେକ୍ଟର ଚାଷଜମିକୁ ଜଳସେଚନ ସୁବିଧାକୁ ଦୃଷ୍ଟିରେ ରଖି ଶଗଡ଼ିଆ ନାଳ ଉପରେ ଏକ କ୍ଷୁଦ୍ରଜଳସେଚନ ପ୍ରକଳ୍ପ ନିର୍ମାଣ କରାଗଲା। ପ୍ରକଳ୍ପ ନିର୍ମାଣ ପରେ ହରଭଙ୍ଗା ପଂଚାୟତରେ ଧାନଚାଷ ସମୟରେ ପାଣିର ଅଭାବ ଦୂର ହେବା ସହିତ ଚାଷୀଙ୍କ ଅନେକ ଦିନର ଦାବୀ ପୂରଣ ହେଲା। ମାତ୍ର ପ୍ରକଳ୍ପ ନିର୍ମାଣ ହୋଇଥିବା ସ୍ଥାନରୁ ମାତ୍ର ୪ଶହ ମିଟର ଦୂରରେ ଥିବା ଧର୍ମନଗର ଗାଁ ଲୋକଙ୍କ ପାଇଁ ଏବେ ଶଗଡ଼ିଆ କ୍ଷୁଦ୍ରଜଳସେଚନ ପ୍ରକଳ୍ପ ଦୁଃଖ ପାଲଟିଛି। କେନାଲ ନିର୍ମାଣ ପରେ ଧର୍ମନଗର ମୌଜାର ଥିବା ୨୦ରୁ ଅଧିକ ଚାଷୀଙ୍କ ହେକ୍ଟର ହେକ୍ଟର ଚାଷଜମିରେ ପାଣିମାଡି ପାରୁନଥିବାରୁ ଧାନ ଚାଷ ଉଜୁଡିଯିବା ସହିତ ଚାଷୀ ଚାଷରୁ ଆଶା ଛାଡିଦେଲେଣି। ଏଭଳି ପରିସ୍ଥିତିରେ ଧର୍ମନଗର ଗ୍ରାମର ଯୁଧିଷ୍ଠିର ଭୋକ୍ତା, ରାଜେନ୍ଦ୍ର ଭୋକ୍ତା, କାର୍ତୀକ ନାଏକ, ରମାକାନ୍ତ ନାଏକ, ଲମ୍ବୋଦର ବାଘ, ସୁବାଷ ବାଘ ପ୍ରମୁଖ ଚାଷୀଙ୍କ ଜମିରେ ଜଳସେଚନ ସୁବିଧା ପାଇଁ ସେମାନେ ସ୍ଥାନୀୟ ବିଧାୟକ ତଥା ପଂଚାୟତିରାଜ ମନ୍ତ୍ରୀ ପ୍ରଦୀପ କୁମାର ଅମାତଙ୍କ ଦୃଷ୍ଟିଆକର୍ଷଣ କରିଛନ୍ତି। ଚାଷୀଙ୍କ ସମସ୍ୟା ଦୂରପାଇଁ ମନ୍ତ୍ରୀ ଉଠାଜଳସେଚନ ବିଭାଗର ଦୃଷ୍ଟି ଆକର୍ଷଣ କରିଥିବା ମଧ୍ୟ ଜଣାପଡ଼ିଛି।
Popular Categories
Previous article
Next article