ସୁଆଣ୍ଡୋ : ପୂର୍ବତଟ ରେଳବାଇ ପକ୍ଷରୁ ୧୮ ତାରିଖରୁ ଆରମ୍ଭ ହୋଇଥିବା ଆଜାଦୀ କା ଅମୃତ ମହୋତ୍ସବ ପୁରୀ ଜିଲା ସାକ୍ଷୀଗୋପାଳ ରେଳ ଷ୍ଟେସନରେ ଶନିବାର ଉଦଯାପିତ ହୋଇଯାଇଛି । ସମ୍ବଲପୁର, କଟକ, ଖୋର୍ଦ୍ଧା ଓ ସାକ୍ଷୀଗୋପାଳରେ ଏହା ପାଳନ କରାଯାଇଥିଲା । ଏହି ଅବସରରେ ଆୟୋଜିତ ସଭାରେ ମୁଖ୍ୟ ଅତିଥି ଭାବେ ଅତିରିକ୍ତ ରେଳ ପ୍ରବନ୍ଧକ ଅଶୋକ କୁମାର ଯୋଗ ଦେଇଥିଲେ । ଦେଶାତ୍ମବୋଧକ ସଙ୍ଗୀତ ଗାନ କରାଯାଇ ଆନୁଷ୍ଠାନିକ ଭାବେ କାର୍ଯ୍ୟକ୍ରମ ଆରମ୍ଭ ହୋଇଥିଲା । ଏହି ପରିପ୍ରେକ୍ଷୀରେ ଆମନ୍ତ୍ରିତ ସ୍ୱାଧୀନତା ସଂଗ୍ରାମୀଙ୍କ ପୁତ୍ର ବଳରାମ ବେହେରା, ସ୍ୱାଧୀନତା ସଂଗ୍ରାମୀଙ୍କ ପତ୍ନୀ ଲକ୍ଷ୍ମୀ ପାତ୍ର ଓ ପୁତ୍ର ଅମର ପାତ୍ରଙ୍କୁ ମୁଖ୍ୟ ଅତିଥି ସମ୍ବର୍ଦ୍ଧିତ କରିଥିଲେ। ସ୍ୱାଧୀନତାର ୭୫ ବର୍ଷ ପୁର୍ତ୍ତି ଅବସରରେ ସାରା ଦେଶରେ ଆଜାଦୀ କା ଅମୃତ ମହୋତ୍ସବ ପାଳନ କରାଯାଉଛି । ରେଳବିଭାଗ ଉତ୍ସର୍ଗୀକୃତ ଭାବେ ଦେଶର ଜନସାଧାରଣଙ୍କ ସେବାରେ ନିରନ୍ତର ପ୍ରୟାସ ଜାରି ରଖିଛି ବୋଲି ମୁଖ୍ୟ ଅତିଥି ଅଶୋକ କୁମାର କହିଥିଲେ ।
ସତ୍ୟବାଦୀର ବରିଷ୍ଠ ନାଗରିକ, ସମାଜ ସେବୀ, ବୁଦ୍ଧିଜୀବୀ, ସାମ୍ବାଦିକ, ଆଇନଜୀବୀ, ଜନପ୍ରତିନିଧି ଓ ବିଦ୍ୟାଳୟ ଛାତ୍ରଛାତ୍ରୀ ମାନେ ଉପସ୍ଥିତଥିଲେ । ଅନ୍ୟମାନଙ୍କ ମଧ୍ୟରେ ସରପଞ୍ଚ ଚିନ୍ମୟ ରାଉତ, ସୁମନ୍ତ ଘଟୁଆରୀ, ଦେବଦତ୍ତ ସାମନ୍ତରାୟ, ରେଳ ଯାତ୍ରୀ ଓ ବରିଷ୍ଠ ନାଗରିକ ବାବନ ବରାଳ ପ୍ରମୁଖ ଉପସ୍ଥିତ ରହିଥିଲେ। ଶେଷରେ ପ୍ରଦୀପ ପ୍ରଜ୍ୱଳନ କରାଯାଇ ଉତ୍ସବ ଉଦଯାପନ କରାଯାଇଥିଲା ।
Comments are closed.