ମୁମ୍ବାଇ – ମହାରାଷ୍ଟ୍ରରେ ଏବେ ଶିବସେନା , କଂଗ୍ରେସ ଏବଂ ଏନ୍ସିପିର ମହାବିକାଶଅଗାଡି ମେଣ୍ଟ ସରକାର ଚାଲିଛି । ଏବେ ଏହି ମେଣ୍ଟ ସରକାଙ୍କର ଏକ ପ୍ରକାର ଟଳମଳ ସ୍ଥିତି । ଶିବସେନାର ବରିଷ୍ଠ ନେତା ତଥା ବିଧାୟକ ଦଳର ନେତା ଏକନାଥ ସିନ୍ଧେ ଦଳର ହାତ ଛାଡିଛନ୍ତି । ସେ ଏବେ ସୁରାଟର ଏକ ହୋଟେଲ୍ରେ ୨୧ ଜଣ ବିଧାୟକଙ୍କ ସହ ରହିଥିବା ସୂଚନା ମିଳିଛି ।
ଏହାପରେ ମହାରାଷ୍ଟ୍ର ସରକାରର ସ୍ଥାୟୀତ୍ୱ ଉପରେ ପ୍ରଶ୍ନବାଚୀ ସୃଷ୍ଟି କରିଛି । ଏକନାଥ ସିନ୍ଧେଙ୍କୁ ଶିବସନା ଗତକାଲୀ ବିଧାୟକ ଦଳ ନେତା ପଦରୁ ନିଲମ୍ବିତ କରିଥିଲା । ଏହାପରେ ଏକନାଥ ବିଜେପି ଶାସିତ ଗୁଜୁରୁଟର ସୁରାଟକୁ ଯାଇଥିଲେ , ତେବେ ଏକନାଥ ଦଳକୁ ଠକି ନଥିବା ଏବଂ ବାଲାସାହେବ ଠାକରେଙ୍କର ପ୍ରଦର୍ଶୀତ ମାର୍ଗରେ ଚାଲୁଥିବା କଥା କହିଛନ୍ତି ।
ଏକନାଥ ସିନ୍ଧେ ଶିବସେନାର ବରିଷ୍ଠ ନେତା । ସେ ୪ ଥର ପାଇଁ ମହାରାଷ୍ଟ୍ର ବିଧାନସଭାକୁ ନିର୍ବାଚିତ ହୋଇଛନ୍ତି। ୨୦୦୪ ମସିହାରୁ ସେ ଲଗାତାର ଭାବେ ବିଧାୟକ ଭାବେ ନିର୍ବାଚିତ ହୋଇଛନ୍ତି । ଏବେ ସେ ନିଜ ଟ୍ୱିଟର ଆକାଉଣ୍ଟରୁ ଶିବସେନା ଶଦ୍ଦକୁ ବାଦ ଦେଇଛନ୍ତି ।
ମହାରାଷ୍ଟ୍ରର ବିଧାନ ପରିଷଦ ନିର୍ବାଚନରେ ମହାବିକାଶଅଗାଡିକୁ ଜୋରଦାର ଝଟକା ଲାଗିଛି । ଏହାର ନିର୍ବାଚନରେ ବିଜେପି ସମସ୍ତ ୫ଟି ଯାକ ଆସନ ଜିତିଛି । ଶିବସେନା ସାସଂଦ ସଂଜୟ ରାଓତ ବିଜେପି ଉଦ୍ଧବ ଠାକରେଙ୍କ ସରକାରକୁ ପଦଚ୍ୟୁତ କରିବା ପାଇଁ ଉଦ୍ୟମ କରୁଥିବା କଥା ଅଭିଯୋଗ କରିଛନ୍ତି।
