ରେଙ୍ଗାଲିକ୍ୟାମ୍ପ: ଆଜି ବିଶ୍ୱ ସାଇକେଲ ଦିବସ। ବର୍ତ୍ତମାନ ‘ଫିଟ୍ ଇଣ୍ଡିଆ’ରେ ଏହାକୁ ସାମିଲ କରାଯାଇ ସୁସ୍ଥ ଭାରତ ଗଠନ ପାଇଁ ଆହ୍ବାନ ଦିଆଯାଉଛି। ଏହି ଅବସରରେ ଅତାବିରା ବ୍ଲକ ଜହ୍ନାପଡା ଗ୍ରାମରେ ନେହେରୁ ଯୁବ କେନ୍ଦ୍ର ପକ୍ଷରୁ ଏକ ସାଇକେଲ ରାଲି ଅନୁଷ୍ଠିତ ହୋଇଥିଲା। ସ୍ଥାନୀୟ ସରପଞ୍ଚ ସୁବାସିନୀ ତରିଆ, କୈଲାଶ ପଧାନ, ଦଖିଲ ପଧାନ, ଟକଂଧର ଭୋଇ ଓ ଵାସୁଦେବ ପଧାନ ସବୁଜ ପତାକା ଦେଖାଇ ଏହାର ଶୁଭାରମ୍ଭ କରିଥିଲେ। ସାମ୍ପ୍ରତିକ ପରିସ୍ଥିତିରେ ମଣିଷ ସବୁ ଦୃଷ୍ଟିରୁ ସୁବିଧାବାଦୀ ହୋଇଯାଇଛି। ତେଣୁ ଶାରୀରିକ ପରିଶ୍ରମ ନକରି କେବଳ ଯାନ୍ତ୍ରିକ ଶକ୍ତିର ଉପଯୋଗ କରୁଛି। ଫଳ ସ୍ୱରୂପ ଆଗଭଳି ମଣିଷମାନଙ୍କ ଶାରୀରିକ ସୁସ୍ଥତା ଧୀରେ ଧୀରେ କମିଯାଉଛି । ଶରୀରର ରୋଗ ପ୍ରତିରୋଧକ ଶକ୍ତି ହ୍ରାସ ପାଉଛି। ମଣିଷ ସାଇକେଲ ଚାଳନା କଲେ ମାଂସପେଶୀଗୁଡ଼ିକ ଶକ୍ତ ହୋଇଥାଏ। ଶରୀରର କାର୍ଯ୍ୟ ଦକ୍ଷତା ବୃଦ୍ଧି ପାଇଥାଏ। କିନ୍ତୁ ବର୍ତ୍ତମାନ ମଣିଷ ସାଇକେଲ ପରିବର୍ତ୍ତେ ମଟର ସାଇକେଲ ଉପରେ ବେଶୀ ନିର୍ଭର୍ସିଲ ହେଉଛି। ତେଣୁ ପୁଣି ଥରେ ସେଇ ସାଇକେଲ ର ବ୍ୟବହାରକୁ ଆପଣେଇ ନେଇ ଶରୀର ସହିତ ପରିବେଶକୁ ମଧ୍ୟ ସୁସ୍ଥ ରଖିବାର ମହତ ବାର୍ତ୍ତା ନେଇ ନେହେରୁ ଯୁବ କେନ୍ଦ୍ରର ନୂତନ ଯୁବ ପିଢ଼ି ପାଳନ କରିଥିଲେ ବିଶ୍ଵ ସାଇକେଲ ଦିବସ। ଏହାକୁ ପରିଚାଳନା କରଥିେଲ ସ୍ବେଛାସେବୀ ଲିସା ପଧାନ, ମୁନା ନାଏକ ଓ ସୁବାସିଷ ସାହୁ । ଏହି ରାଲିରେ ଗ୍ରାମର ବହୁ ସଂଖ୍ୟକ କୈଶୋର ବାଳକ ବାଳିକା ମଧ୍ୟ ସାମିଲ ହୋଇଥିଲେ ।
Popular Categories
Previous article
Next article