ବଲାଙ୍ଗିର: ବାଘ ଛାଲ ଡିଲ୍ ବେଳେ ମାଡିବସିଲା ଏସଟିଏଫ୍। ବଲାଙ୍ଗିର ଜିଲା ସଇନ୍ତଲା ଟିକ୍ରାପଡାରେ ବାଘ ଛାଲ ଡିଲ ବେଳେ ଏସଟିଏଫ୍ ହାତରେ ଧରାପଡିଛନ୍ତି ବାଘ ଛାଲ ବେପାରୀ। ଟିକ୍ରାପଡା ଚରଚରା ଗାଁ ଆଦିକନ୍ଦ ଘିବେଲା ବାଘଛାଲ ବେପାର କରୁଥିଲେ। ଗ୍ରାହକ ବେଶରେ ଏସଟିଏଫ୍ ଟିମ ବାଘଛାଲ ଜବତ କରିବା ସହ ଜଣକୁ ଗିରଫ କରିଛି।
ଗତକାଲି ମଧ୍ୟ ବଲାଙ୍ଗିର ସହର ମାଲପଡାରୁ ୬ଟି ହାତୀ ଦାନ୍ତ ଜବତ କରି ମାଲପଡାର ନୁରିନ ସେଠଙ୍କୁ ଗିରଫ କରାଯାଇଥିଲା। ଗିରଫ ନୁରିନଙ୍କ କହିବା ଅନୁସାରେ, ତାଙ୍କୁ ଟିଟିଲାଗଡର ସୁନୀଲ ନାମକ ବ୍ୟକ୍ତି ହାତୀ ଦାନ୍ତ ରଖିବାକୁ ଦେଇଥିଲେ। କ୍ରେତାଙ୍କୁ ହାତୀ ଦାନ୍ତ ଦେଖାଇବାକୁ ନେଉଥିବା ବେଳେ ବୋଷ କଲୋନୀ ନିକଟରେ ନୁରିନଙ୍କୁ ଧରିଥିଲା ବନ ବିଭାଗ ଓ ଏସଟିଏଫ୍।
ବଲାଙ୍ଗିର ଜିଲାରେ ବାରମ୍ବାର ଏସଟିଏଫ୍ ଚଢାଉ କରି ବଜ୍ରକାପ୍ତା, ହାତୀ ଦାନ୍ତ ଓ ବାଘ ଛାଲ ଜବତ କରିବା ପରେ ବଲାଙ୍ଗିର ବନବିଭାଗ କାର୍ଯ୍ୟ ଦକ୍ଷତା ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି। ଏପରିକି ଜଙ୍ଗଲ ଓ ବନ୍ୟଜନ୍ତୁ ସୁରକ୍ଷା ଦେବାରେ ବଲାଙ୍ଗିର ବନବିଭାଗ ବିଫଳ ବୋଲି ଚର୍ଚ୍ଚା ହେଉଛି। ଏସଟିଏଫ୍ ହାତରେ ବାରମ୍ବାର ଧରାପଡୁଥିଲେ ମଧ୍ୟ ବଲାଙ୍ଗିର ବନବିଭାଗର ହାତ ଖାଲି। ଚୋରା ଚାଲାଣକାରୀଙ୍କ ସହ ଭିତିରି ଡିଲ ଯୋଗୁଁ ବନବିଭାଗ ନିରବ ରହୁଥିବା ଆଲୋଚନା ହେଉଛି।
Comments are closed.