ବାଙ୍କୀ: କଟକ ଜିଲା ବାଙ୍କୀ ଥାନା ଅନ୍ତର୍ଗତ ଘୋଡାବର ଗ୍ରାମର ହରିଜନ ସାହିରେ ଶୁକ୍ରବାର ରାତିରେ ବୋମା ବିସ୍ଫୋରଣରେ କୋଠାଘର ଭୁଶୁଡି ପଡିବା ସହ ୨ ଜଣଙ୍କର ମୃତ୍ୟୁ ଘଟଣାର ପର୍ଦ୍ଦାଫାସ ହୋଇଛି । ପୂର୍ବ ଶତ୍ରୁତାକୁ ନେଇ ବୋମା ମାଡ ହୋଇଥିବା ଶୁଣିବାକୁ ମିଳିଥିଲା। କିନ୍ତୁ ତାହା ସତ ନୁହେଁ ବୋଲି ପୁଲିସ ତଦନ୍ତରୁ ଜଣାପଡିଛି । ବୋମା ମାଡ ନୁହେଁ ବରଂ ବୋମା ଭିଡିବା ସମୟରେ ବିସ୍ଫୋରଣ ଘଟିଥିବା ସ୍ପଷ୍ଟ ହୋଇଛି । ବିସ୍ଫୋରଣସ୍ଥଳରୁ ୫ଟି ଅଫୁଟା ବୋମା ସାଇଣ୍ଟିଫିକ୍ ଟିମ୍ ଜବତ କରିଛି । ଘଟଣାସ୍ଥଳରେ ଏକ ପ୍ଲାଟୁନ୍ ପୁଲିସ ଫୋର୍ସ ମୁତୟନ କରାଯାଇଛି ।
ସୂଚନାଯୋଗ୍ୟ, ଗତକାଲି ରାତିରେ ବୋମା ବିସ୍ଫୋରଣରେ ଏକ କୋଠା ଘରର ଛାତ ଭୁଶୁଡି ପଡିଥିଲା । ଏଥିରେ ଦୁଇ ଜଣଙ୍କ ମୃତ୍ୟୁ ଘଟିଥିଲା । ଅନ୍ୟ ଜଣଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ କଟକ ବଡ଼ଡାକ୍ତରଖାନାକୁ ପଠାଯାଇଥିଲା ।
