କଲ୍ୟାଣସିଂ ହପୁର – ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ କରପା ପଞ୍ଚାୟତର ଶ୍ରୀରାମ ନଗରଠାରେ ଭାରସାମ୍ୟ ହରାଇ ବାଇକରୁ ପଡି ଜଣେ ଯୁବକ ଗୁରୁତ୍ୱର ଦୁଇଜଣ ଆହତ ହୋଇଛନ୍ତି । ପଲମା ଠାରୁ ଗୋଟିଏ ବାଇକରେ ଉଲ୍ଲକା ରାଜୁ, ସିଦ୍ଧାନ୍ତ ୱାଡକା ଏବଂ ଅନ୍ୟ ଏକ ଗାଡିରେ ସୋରାଜ ଉଲ୍ଲକା ତାଙ୍କ ଭଉଣୀକୁ ଛାଡିବା ପାଇଁ କରପା ପଞ୍ଚାୟତରେ ଥିବା ସେବାଶ୍ରମକୁ ଯାଉଥିଲେ ।
ଶ୍ରୀରାମ ନଗର ଗାଁ ଠାରେ ହଠାତ୍ ଗାଈ ଆସିଯିବାରୁ ବାଇକର ବ୍ରେକ ଦେଇ ଉଲ୍ଲକା ରାଜୁ ରାସ୍ତାରେ ଛିଟିକି ପଡ଼ିଥିଲେ । ସେଠାରେ ଥିବା ପୁଲିସ ସଙ୍ଗେ ସଙ୍ଗେ ରୋଗୀବୁହା ଗାଡିକୁ ଡକାଇ ତାଙ୍କୁ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ପଠାଇଥିଲେ ।ସେଠାରେ ଡାକ୍ତର ପ୍ରାଥମିକ ଚିକିତ୍ସା କରିବା ପରେ ଉଲ୍ଲକା ରାଜୁ ଙ୍କ ଅବସ୍ଥା ସଙ୍କଟାପନ୍ନ ରହିଥିବାରୁ ଜିଲା ସ୍ୱାସ୍ଥ୍ୟ କେନ୍ଦ୍ରକୁ ପଠାଇଯାଇଥିବା ସୂଚନା ମିଳିଛି ।
