ମୋହନା : ରାଜ୍ୟ ସରକାରଙ୍କ ପ୍ରାଣୀ ସମ୍ପଦ ବିକାଶ ବିଭାଗ ଗଜପତି ଶଖା ପକ୍ଷରୁ ସ୍ଥାନୀୟ ପ୍ରାଣୀ ଚିକିତ୍ସାଳୟ ପରିସରରେ ବାଡ଼ି ଅଗଣାରେ ବତକ ପାଳନ ଯୋଜନାର ଶୁଭାରମ୍ଭ ହୋଇଯାଇଛି। ଡ. ବିରେନ୍ଦ୍ର ପଣ୍ଡାଙ୍କ ତତ୍ତ୍ଵାବଧାନରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ବିଭିନ୍ନ ଗ୍ରାମରେ ରହିଥିବା ୭ଗୋଟି ମହିଳା ସଂଘର ଜଣେ ଜଣେ ସଦସ୍ୟଙ୍କୁ ୫୦ ଗୋଟି ବତକ ହିସାବରେ ସମୁଦାୟ ୩୫୦ଟି ବତକ ଦିଆଯାଇଛି। ଗତ ଜାନୁଆରୀ ମାସରେ ଜଣେ ସଦସ୍ୟଙ୍କୁ ବତକର ଗୃହ ନିର୍ମାଣ ପାଇଁ ସେମାନଙ୍କର ବ୍ୟାଙ୍କ ଖାତାକୁ ଜିଲ୍ଲା ଅଧିକାରୀଙ୍କ ପକ୍ଷରୁ ୧ ହଜାର ଟଙ୍କା ପ୍ରଦାନ କରାଯାଇଥିଲା । ଏହି ନୂତନ ଯୋଜନା ଦ୍ୱାରା ମହିଳାମାନେ ଅର୍ଥ ରୋଜଗାର ପାଇଁ କାହା ଉପରେ ନିର୍ଭର ନକରି ନିଜେ ସ୍ଵାବଲମ୍ବୀ ହୋଇପାରିବେ ଏବଂ ସେମାନଙ୍କୁ ପ୍ରଶାସନ ତରଫରୁ ଆଗାମୀ ଦିନରେ ଆହୁରି ସହାୟତା ଯୋଗାଇ ଦିଆଯିବ ବୋଲି ଡ. ପଣ୍ଡା କହିଛନ୍ତି। ଏହି କାର୍ଯ୍ୟକ୍ରମରେ ସକାଳ ସଂସ୍ଥାର ସଂଯୋଜକ ସନ୍ତୋଷ ଗୌଡ଼, ସନ୍ତୋଷ ସାହୁ ଓ ଚିକିତ୍ସାଳୟର କର୍ମଚାରୀ ରମେଶ ଚନ୍ଦ୍ର ସାହୁ ଉପସ୍ଥିତ ରହି ସହଯୋଗ କରିଥିଲେ।
Comments are closed.