ତାଲାବନ୍ଦ ସମୟରେ ପୂରା ବିଶ୍ବର ୪୧% ଲୋକ ଦିନରାତି ସାମାଜିକ ଗଣମାଧ୍ୟମରେ ସମୟ କଟାଇଲେ। ଭାରତରେ ସେଇ ସମୟରେ ଘରେଘରେ ଲୋକେ ଫେସବୁକ୍, ଇନଷ୍ଟାଗ୍ରାମ୍ ବ୍ୟବହାର କଲେ। ସେତିକିବେଳେ ଏଇସବୁ ରିଲ୍ସ, ସର୍ଟସ୍ ଆଦିର ଆଦର ବଢ଼ିଲା। ବିଭିନ୍ନ ସାମାଜିକ ଗଣମାଧ୍ୟମ ସାଇଟ୍ ମଧ୍ୟରୁ ଫେସବୁକ୍ କିନ୍ତୁ ଶୀର୍ଷରେ ଥିଲା। ୨୦୧୪ ରୁ ୨୦୧୬ ଶେଷ ମଧ୍ୟରେ ଫେସବୁକରେ ୨ଲକ୍ଷରୁ ଅଧିକ ବୟସ୍କ ଭାରତୀୟ ଆକାଉଣ୍ଟ ଖୋଲିଥିଲେ କିନ୍ତୁ ତାଲାବନ୍ଦ ସମୟରେ ମାତ୍ର କିଛି ମାସରେ ଲକ୍ଷାଧିକ ଲୋକ ସେମାନଙ୍କ ଆକାଉଣ୍ଟ ଖୋଲିଲେ। ଫେସବୁକ୍ ବ୍ୟବହାରରେ ବର୍ତ୍ତମାନ ଭାରତ-ଆମେରିକା ମଧ୍ୟରେ ତୀବ୍ର ପ୍ରତିଯୋଗିତା ଚାଲିଛି ଏ ବାବଦରେ ଫେସବୁକ୍ ତରଫରୁ ସର୍ବେକ୍ଷଣ ମଧ୍ୟ କରାଯାଇଥିଲା। ମହାନଗରୀରେ ରହୁଥିବା ବୟସାଧିକ୍ୟ ଲୋକଙ୍କ ମତ େହଉଛି, ପୁରୁଣା ଦିନର ବନ୍ଧୁଙ୍କ ସହ ଏହି ଫେସବୁକରେ ସହଜରେ ଯୋଗାଯୋଗ କରାଯାଇପାରୁଛି। ଏହା ସହ ନିଜର ଗୋପନୀୟତା ମଧ୍ୟ ଜ୍ଞାନକୌଶଳ ସହାୟତାରେ ସେମାନେ ରକ୍ଷା କରିପାରୁଛନ୍ତି। କେହି ଚିହ୍ନା ପରିଚିତ ରାସ୍ତା,ଘାଟରେ ଭେଟ ହୋଇଗଲେ, ତାଙ୍କୁ ପ୍ରଥମେ ପଚରାଯାଉଛି, ଆରେ ତୁ ଫେସବୁକ୍ରେ ଅଛୁ ତ?
Popular Categories
Previous article
Next article