ଫୁଲବାଣୀ: କନ୍ଧମାଳ ଜିଲ୍ଲା ସଦର ମହକୁମା ମୁଖ୍ୟ କାରାଗାରରେ ସଜା କାଟୁଥିବା ଜଣେ କଏଦୀର ମୃତ୍ୟୁ ହୋଇଛି । ତାର ସ୍ୱାସ୍ଥ୍ୟ ଅସୁସ୍ଥତା କାରଣରୁ ମୃତ୍ୟୁ ହୋଇଥିବା କୁହାଯାଉଛି । ମୃତ କଏଦୀର ନାଁ କାହ୍ନୁ ଚରଣ ପ୍ରଧାନ । ସେ ୧୦,୭,୨୦୧୬ ମସିହାରେ ଦାରିଙ୍ଗବାଡ଼ି ବ୍ଲକର କିରକ୍ଷମହାରେ ହତ୍ୟା ମାମଲରେ ଜେଲରେ ସଜା କାଟୁଥିଲା । ପରେ ପୁଣି କଏଦୀ କାହ୍ନୁ ୧.୧୨.୨୦୧୮ ମସିହାରେ ମୁଖ୍ୟ କାରାଗାରରେ ଲକ୍ଷ୍ମଣ ନାୟକ ନାମକ ଜଣେ କାଇଦୀକୁ ହତ୍ୟା କରିଥିଲା । ତେବେ ଗତକାଲି କାହ୍ନୁ ଚରଣ ପ୍ରଧାନର ଦେହ ଅସୁସ୍ଥ ହେବାରୁ ଡାକ୍ତର କାରାଗାରରେ ଚିକିତ୍ସା କରୁଥିଲେ ।
ହେଲେ ତାର ଦେହ ଅଧିକ ଖରାପ ହୋବରୁ ତାକୁ ଫୁଲବାଣୀ ମୁଖ୍ୟଚିକିତ୍ସାଳୟରେ ଭର୍ତ୍ତି କରିଥିଲେ । ସେଠାରେ ଚିକିତ୍ସାଧୀନ ଅବସ୍ଥାରେ ଗତକାଲି ରାତି ପ୍ରାୟ ୧୦ଟାରେ ତାର ମୃତ୍ୟୁ ହୋଇଛି । ମୃତ୍ୟୁ ହେବା ପରେ ମାଜିଷ୍ଟ୍ରେଟ୍ଙ୍କ ଉପସ୍ଥିତିରେ ଶବ ବ୍ୟବଚ୍ଛେଦ କରାଯିବା ପରେ ପରିବାରକୁ ହସ୍ତାନ୍ତର କରାଯାଇଛି ।
