ପାଟଣା : କେନ୍ଦୁଝର ଜିଲ୍ଲା ତୁରୁମୁଙ୍ଗା ଥାନା ମହ୍ଲାରପଦା ଗ୍ରାମରେ ରବିବାର ରାତିରେ ଏକ ଗୋରୁ ବୋଝେଇ ପିକ୍ଅପ୍ କୁ ଅଟକ ରଖି ତୁରୁମୁଙ୍ଗା ଆରକ୍ଷୀଙ୍କ ଜିମା ଦେଇଛନ୍ତି । ସୂଚନା ଅନୁଯାୟୀ ବିଳମ୍ବିତ ରାତିରେ ମହ୍ଲାରପଦା ଗ୍ରାମ ରାସ୍ତା ଦେଇ ଏକ ପିକ୍ଅପ୍ ଯାଉଥିବା ବେଳେ ଗ୍ରାମବାସୀ ଏହାକୁ ସନ୍ଦେହ କରି ଅଟକ ରଖି ଗାଡ଼ିର ପାଲ ଖୋଲି ଦେଖିଥିଲେ । ତେବେ ଗାଡ଼ି ରେ ୪ ଟି ବଳଦ ଚାଲାଣ ହେଉଥିବା ନେଇ ପିକ୍ଅପ୍ ଟିକୁ ଅଟକ ରଖି ତୁରୁମୁଙ୍ଗା ଆରକ୍ଷୀ କୁ ଖବର ଦେଇଥିଲେ । ତୁରୁମୁଙ୍ଗା ଆରକ୍ଷୀ ଘଟଣା ସ୍ଥଳରେ ପହଞ୍ଚି ପିକ୍ଅପ୍ ଟିକୁ ଜବତ କରି ଥାନାରେ ଅଟକ ରଖି ଘଟଣାର ତଦନ୍ତ କରୁଛି ।ତେବେ ଶେଷ ଖବର ସୁଧା ଆରଏମସି ରସିଦ ଦେଖାଇବାରୁ ବଳଦ ଚାରିଟିକୁ ବେପାରୀଙ୍କୁ ଜୀମା ଦିଆଯାଇଛି। ପିକଅପ୍ ଟି କୋର୍ଟ ରୁ ଅନୁମତି ପରେ ଛାଡ଼ ପାଇବ ବୋଲି ସୂଚନା ମିଳିଛି।
Comments are closed.