ବି.ଡି.ଓଙ୍କୁ ଅବସରକାଳୀନ ସମ୍ବର୍ଦ୍ଧନା 

ହରଭଙ୍ଗା : ହରଭଙ୍ଗା ବ୍ଲକ କାର୍ଯ୍ୟାଳୟ ପରିସରରେ ମଙ୍ଗଳବାର ସନ୍ଧ୍ୟାରେ ହରଭଙ୍ଗା ବି.ଡି.ଓ ନୀଳକଣ୍ଠ ବେହେରାଙ୍କ ଅବସରକାଳୀନ ବିଦାୟ ସମ୍ବର୍ଦ୍ଧନା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ବ୍ଲକ ଅଧ୍ୟକ୍ଷ ବିଶ୍ୱଜିତ ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ହରଭଙ୍ଗା ବି.ଡି.ଓ ନୀଳକଣ୍ଠ ବେହେରା,ଜିଲ୍ଲାପରିଷଦ ଉପାଧ୍ୟକ୍ଷ ଅକ୍ରୁର ସେଠୀ,ଜିଲ୍ଲାପରିଷଦ ସଭ୍ୟ ଅବକାଶ ସାହୁ,ଏ.ବି.ଡି.ଓ ସୁବାଷ ଯାନୀ,ସହକାରୀ ଯନ୍ତ୍ରୀ ଅର୍ଜ୍ଜୁନ ଗଡନାୟକ ,ପଂଚାୟତ ସରପଂଚ,ପିଇଓ,ଜିଆରଏସ ସମସ୍ତ ବ୍ଲକ କର୍ମଚାରୀ ଯୋଗଦାନ କରିଥିଲେ। ବିଦାୟକାଳୀନ ଉତ୍ସବରେ ବି.ଡି.ଓଙ୍କ ସହିତ ୧୪ମାସ ସମୟ କାଟିଥିବା ଅନୁଭୂତି ଉପରେ ବ୍ଲକ ଅଧ୍ୟକ୍ଷ, ଜିଲ୍ଲାପରିଷଦ ଉପାଧ୍ୟକ୍ଷ, ଜିଲ୍ଲାପରିଷଦ ସଭ୍ୟ,ସହକର୍ମୀମାନେ ତାଙ୍କର ଉଚ୍ଚପ୍ରଂଶସା କରିବା ସହିତ ତାଙ୍କର ଅନୁଭୁତିକୁ ବଖାଣିଥିଲେ। ସେ ଖାଲି ଜଣେ ପ୍ରଶାସନିକ ଅଧିକାରୀ ନଥିଲେ ସବୁ ଜନସାଧାରଣଙ୍କ ସୁଖଦୁଃଖର ସାଥି ସହିତ ସହକର୍ମୀଙ୍କ ସହିତ ଉତମ ସର୍ମ୍ପକ ରଖି ସରକାରୀ କାର୍ଯ୍ୟ ତୁଳାଉଥିବା ସମସ୍ତେ ମତ ରଖିଥିଲେ। ତାଙ୍କ ଭଳି ଜଣେ ବି.ଡି.ଓଙ୍କ ପାଇଁ ସମସ୍ତେ ବେଶ ଖୁସି ବ୍ୟକ୍ତ କରିଥିଲେ।ଶେଷରେ ବି.ଡି.ଓ ତାଙ୍କ ଅଭିଭାଷଣରେ ଦୀର୍ଘ ୩୯ବର୍ଷର ଚାକିରୀ ଜୀବନ ଅନୁଭୂତି ବାଂଟିଥିଲେ।ଏହା ସହିତ ହରଭଙ୍ଗା ବ୍ଲକ ବିକାଶ କଥା କହିବା ସହିତ ଅନେକ ବିକାଶ ବାକି ରହିଥିବା ସ୍ୱୀକାର କରିଥିଲେ।ସମସ୍ତଙ୍କ ସହଯୋଗରେ ବ୍ଲକର ବିକାଶଧାରା ଆଗକୁ ଯାଇପାରିବ ବୋଲି ମତରଖିଥିଲେ।ସହକର୍ମୀ, ଜନପ୍ରତିନିଧ ମାନଙ୍କ ଦ୍ୱାରା ପୁଷ୍ପଗୁଛ, ଉତରୀୟ ଦେଇ ତାଙ୍କର ସମ୍ବର୍ଦ୍ଦନା କରାଯାଇଥିଲା।