ବ୍ରଜରାଜନଗର : ଚାନ୍ଦନୀମାଲ-ରାଜପୁର ରାସ୍ତାରେ ଗତ କାଲି ରାତିରେ ଘଟିଥିବା ଏକ ସଡକ ଦୁର୍ଘଟଣାରେ ଜଣକର ମୃତ୍ୟୁ ଘଟିଛି। ମୃତ ବ୍ୟକ୍ତି ଜଣକ ହେଲେ ଦେଓଗାଁର ସଦାନନ୍ଦ ବିଶ୍ୱାଳ(୪୩)। ପୁଲିସ ଠାରୁ ମିଳିଥିବା ସୂଚନା ଅନୁସାରେ, ମୃତ ସଦାନନ୍ଦ ସୁନ୍ଦରଗଡ ଜିଲ୍ଲା ଡୁଲୁଙ୍ଗା ଖଣିର ଏକ ଠିକା ସଂସ୍ଥାରେ କାର୍ଯ୍ୟରତ ଥିଲେ। ଗତ କାଲି ରାତି ୧୦.୩୦ ବେଳେ ସଦାନନ୍ଦ ନିଜ ବାଇକରେ ଘରକୁ ଫେରୁଥିବା ସମୟରେ ରାଜୁପୁର ରାସ୍ତାରେ ଯାନ୍ତ୍ରିକ ତ୍ରୁଟି ଯୋଗୁଁ ଅଟକିଥିବା ଏକ ଟ୍ରକ ସହିତ ପିଟି ହୋଇଥିଲେ। ପଛରେ ଆସୁଥିବା ସଦାନନ୍ଦର ସାଙ୍ଗ ମାନେ ତାଙ୍କୁ ରକ୍ତ ଜୁଡୁ ବୁଡୁ ଅବସ୍ଥାରେ ଉଦ୍ଧାର କରି ମଣ୍ଡଳିଆ ସ୍ଥିତ କେନ୍ଦ୍ରୀୟ ଚିକିତ୍ସାଳୟକୁ ନେଇଥିଲେ। ହେଲେ ଡାକ୍ତର ସେଠାରେ ମୃତ ଘୋଷଣା କରିଥିଲେ। ଗାନ୍ଧିଛକ ଫାଣ୍ଡି ପୁଲିସ ଶବକୁ ଜବତ କରି ବ୍ୟବଛେଦ ପାଇଁ ପଠାଇଥିବା ଫାଣ୍ଡି ଅଧିକାରୀ ଶଶୀ ଭୂଷଣ ପୋଢ଼ ସୂଚନା ଦେଇଛନ୍ତି।
Comments are closed.