ବ୍ରଜରାଜନଗର : ପୂର୍ବ ଶତ୍ରୁତାକୁ କେନ୍ଦ୍ର କରି ଗତ ୨୩ ତାରିଖ ଓରିଏଣ୍ଟ ଥାନା ଶାସ୍ତ୍ରୀ ନଗର ଝୁମ୍ପୁଡି ପଡ଼ାରେ ଛୁରା ମାଡ଼ ହୋଇଥିଲା। ସୁଜିତ ସାହୁଙ୍କ ଛୁରା ମାଡ଼ରେ ରାଜୁ ସାହୁ ଆହତ ହୋଇଥିଲେ। ତେବେ ଗତ କାଲି ସନ୍ଧ୍ୟାରେ ପୋଲିସ ଶାସ୍ତ୍ରୀ ନଗର ଅଂଚଳରେ ସଦଳବଳ ଚଢ଼ଉ କରି ସୁଜିତକୁ ଗିରଫ କରିବାରେ ସଫଳ ହୋଇଛି ଓ ଆଜି ତାକୁ କୋର୍ଟ ଚାଲାଣ କରିଛି। ସେପଟେ ଅଭିଯୁକ୍ତ ସୁଜିତ ସାହୁ ଶାସ୍ତ୍ରୀ ନଗର ଝୁମ୍ପୁଡି ପଡ଼ାରେ ରହୁଥିଲେ ହେଁ ଝାରଖଣ୍ଡ ପାଳମୁ ଜିଲା ଖତିନ ଗାଉଁର ମୂଳ ବାସିନ୍ଦା ବୋଲି ଓରିଏଣ୍ଟ ଥାନା ଆଇଆଇସି କଲ୍ୟାଣି ବେହେରା ସୂଚନା ଦେଇଛନ୍ତି।
ମିଳିଥିବା ସୂଚନା ଅନୁସାରେ, ଅଭିଯୁକ୍ତ ସୁଜିତର ମାନସିକ ଭିନ୍ନକ୍ଷମ ବଡ଼ ଭାଇକୁ ରାଜୁ ସାହୁର ପରିବାର ଲୋକେ ଗାଳି ଗୁଳଜ କରୁଥିବା ନେଇ ଗତ କିଛି ଦିନ ହେଲା ଉଭୟଙ୍କ ପରିବାର ଭିତରେ ଗଣ୍ଡଗୋଳ ଲାଗି ରହିଥିଲା। ତେବେ କିଛି ଦିନ ତଳେ ରାଜୁର ପରିବାର ଲୋକେ ସୁଜିତର ବଡ଼ ଭାଇଙ୍କୁ ମାଡ଼ପିଟ ଓ ଗାଳିଗୁଲଜ କରିଥିବାରୁ ଗତ ୨୩ ତାରିଖ ଉଭୟ ପରିବାର ମୁହାଁମୁହିଁ ହୋଇଥିଲେ। ଗଣ୍ଡଗୋଳ ବେଳେ ସୁଜିତ ସାହୁଙ୍କ ଛୁରା ମାଡ଼ରେ ରାଜୁ ସାହୁଙ୍କ ହାତ ପାପୁଲି କଟି ଯାଇଥିଲା।
