କଲ୍ୟାଣସିଂହପୁର: ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଲକ ନାରାୟଣପୁର ପଞ୍ଚାୟତ ସ୍ଥିତ କୃଷି ସୂଚନା ଓ ପରାମର୍ଶ କେନ୍ଦ୍ରଠାରେ କୃଷି ସଚେତନତା ରଥ ଉଦଘାଟନ ହୋଇଛି । କଲ୍ୟାଣସିଂହପୁର ସହକାରୀ କୃଷି ଅଧିକାରୀଙ୍କ କର କମଳରେ ପୂଜାବିଧି କରି ପତାକା ଦେଖାଇ ଏହାର ଶୁଭାରମ୍ଭ କରାଯାଇଛି । ବ୍ଲକର ବିଭିନ୍ନ ଜାଗାରେ ଏ ରଥ ବୁଲିବା ସହ ଭୁବନେଶ୍ୱର ର କଳାକାରଙ୍କ ଦ୍ଵାରା ନାଚ ଓ ଗୀତ ମାଧ୍ୟମରେ କେନ୍ଦ୍ର ଓ ରାଜ୍ୟ ସରକାରଙ୍କ କୃଷି ସମନ୍ଧିୟ ବିଭିନ୍ନ ଯୋଜନାକୁ ସଚେତନ କରିବାର ଏହାର ମୂଳ ଉଦ୍ଦେଶ୍ୟ ରହିଥିବା ଜଣାପଡିଛି ।
ଏହି ଶୁଭାରମ୍ଭ ସମୟରେ ସିକରପାଇ ଏରିଆର କୃଷି ଅଧିକାରୀ ସୌମେନ୍ଦ୍ର ବିଶ୍ୱାସ କଲ୍ୟାଣସିଂହପୁର ଏରିଆର କୃଷି ଅଧିକାରୀ ବରିଆଲ୍ କିସ୍କୁ, ମାଝୀଗୁଡ଼ା, କୋରୋପା, ପଲମା ଅଞ୍ଚଳର କୃଷି ଗ୍ରାମ୍ୟ ସେବକ ପ୍ରମୁଖ ଉପସ୍ଥିତ ରହିଥିଲେ ।
