ରାମନାଗୁଡା : କରୋନା କାଳରେ ମାନବିକତା ହଜିଯାଉଥିବାବେଳେ ଆକ୍ରାନ୍ତଙ୍କୁ ନିଜ ସଂପର୍କୀୟ ମଧ୍ୟ ସହଯୋଗର ହାତ ବଢାଉନାହାନ୍ତି। ଏଭଳି ସମୟରେ ରାୟଗଡ଼ା ଜିଲ୍ଲା ରାମନାଗୁଡା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରର ଡାକ୍ତରୀ ଟିମ୍ କରୋନା ଆକ୍ରାନ୍ତ ପ୍ରସୂତିଙ୍କ ଅସ୍ତ୍ରୋପଚାର କରି ସୁରକ୍ଷିତ ଭାବେ କନ୍ୟା ସନ୍ତାନ ଜନ୍ମ ଦେବା ଘଟଣା ଡାକ୍ତରଙ୍କ ମହାନତାକୁ ପ୍ରମାଣିତ କରିଛି।
ସୂଚନା ଅନୁଯାୟୀ ରାୟଗଡ଼ା ଜିଲ୍ଲା ଗୁଡାରୀ ବ୍ଲକ ଅସଡା ସିତମଗୁଡା ଗ୍ରାମର ମଞ୍ଜୁଳା ପଣ୍ଡା(୨୮) ଗତକିଛିଦିନ ତଳେ କରୋନାରେ ଆକ୍ରାନ୍ତ ହୋଇଥିଲେ। ମଞ୍ଜୁଳା କରୋନା ପଜିଟିଭ୍ ହୋଇଥିବାବେଳେ ପ୍ରସବ ତାରିଖ ପାଖେଇ ଆସୁଥିବାରୁ ସନ୍ତାନ ଜନ୍ମ ନେଇ ଚିନ୍ତାରେ ରହିଥିଲେ। ଏନେଇ ମଞ୍ଜୁଳାଙ୍କ ବାପା ବିଶ୍ବନାଥ ପଣ୍ଡା ଡାକ୍ତରୀ ଟିମଙ୍କ ସହ ଯୋଗାଯୋଗ କରି ରାୟଗଡ଼ା ମୁଖ୍ୟଡାକ୍ତରଖାନା ନେବାପାଇଁ ସ୍ତିର କଲେ। ଆଜି ମଧ୍ୟାହ୍ନ ୧୨ଘଣ୍ଟିକା ସମୟରେ ରାମନାଗୁଡା ନିକଟରେ ମଞ୍ଜୁଳାଙ୍କ ପ୍ରସବ ଯନ୍ତ୍ରଣା ହେବା କ୍ଷଣି ସଙ୍ଗେସଙ୍ଗେ ରାମନାଗୁଡା ଗୋଷ୍ଠୀସ୍ବାସ୍ଥ୍ୟକେନ୍ଦ୍ର ପ୍ରସବ କକ୍ଷରେ ଭର୍ତ୍ତି ହେବାପରେ ମଞ୍ଜୁଳାଙ୍କ ଅସ୍ତ୍ରୋପଚାର କରାଯାଇଥିଲା। ଭାରାପ୍ରାପ୍ତ ଗୋଷ୍ଠୀ ଚିକିତ୍ସା ଅଧିକାରୀ ଅନିଲ କୁମାର ବେହେରା, ଷ୍ଟାଫ ନର୍ସ ସରସ୍ବତୀ ଦେବୀ,ଏଏନଏମ ଉଷାରାଣୀ ବରାଳ ପ୍ରମୁଖ ଅସ୍ତ୍ରୋପଚାରରେ ସାମିଲ ହୋଇଥିଲେ।ଅସ୍ତ୍ରୋପଚାର ସଫଳତା ସହ ଶେଷ ହେବାପରେ ମଞ୍ଜୁଳା ଏକ କନ୍ୟା ସନ୍ତାନଙ୍କୁ ଜନ୍ମ ଦେଇଥିଲେ।ବର୍ତ୍ତମାନ ମଞ୍ଜୁଳା ଓ ନବଜାତ ଶିଶୁକନ୍ୟାର ସ୍ବାସ୍ଥ୍ୟବସ୍ଥା ଭଲ ରହିଥିବା ଡାକ୍ତର ଶ୍ରୀ ବେହେରା ପ୍ରକାଶ କରିଛନ୍ତି। ଏଥିରେ ବିପିଏମ କମଳାକର ରାଓ ଏଥିରେ ସହଯୋଗ କରିବା ସହ ରାମନାଗୁଡା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ସୁରକ୍ଷିତ ଅସ୍ତ୍ରୋପଚାରକୁ ନେଇ ଡାକ୍ତରଙ୍କୁ ବିଭିନ୍ନ ମହଲରେ ପ୍ରଶଂସା କରାଯାଇଛି।
ଡାକ୍ତରଙ୍କ ମହାନତା ; କରୋନା ଆକ୍ରାନ୍ତ ପ୍ରସୂତିଙ୍କ କଲେ ଅସ୍ତ୍ରୋପଚାର
Popular Categories
Previous article
Next article