ଆଠଗଡ: ଅଞ୍ଚଳର ଅନ୍ୟତମ ଅଗ୍ରଣୀ ସ୍ୱେଚ୍ଛାସେବୀ ଅନୁଷ୍ଠାନ ଆଠଗଡ ବିକାଶମଞ୍ଚ ପକ୍ଷରୁ ଏହି କରୋନା ମହାମାରୀ ଓ ଲକ୍ଡାଉନ ସମୟରେ ଅସୁବିଧାରେ ଥିବା ଲୋକମାନଙ୍କୁ ନିୟମିତ ସହାୟତାର ହାତ ବଢାଇ ଚାଲିଛି। ଏହି କ୍ରମରେ ସୋମବାର ବିକାଶ ମଞ୍ଚ ପକ୍ଷରୁ ପ୍ରସିଦ୍ଧ ଶୈବପୀଠ କଟକିଆସାହି ପଞ୍ଚାୟତର ସର୍ପେଶ୍ୱର ମନ୍ଦିର ପୂଜକମାନଙ୍କୁ ରାସନ ସାମଗ୍ରୀ ବଣ୍ଟନ କରାଯାଇଥିଲା। ଆଠଗଡ ବିକାଶ ମଞ୍ଚ ର ପ୍ରତିଷ୍ଠାତା ସଭାପତି ତଥା ସମାଜସେବୀ ମାନସ ରଞ୍ଜନ ବସ୍ତିଆ ଅନ୍ୟ ସହଯୋଗୀଙ୍କ ସହ ସର୍ପେଶ୍ୱର ମନ୍ଦିର ଯାଇ ସେଠାରେ କାର୍ଯ୍ୟରତ ୨୫ରୁ ଉର୍ଦ୍ଧ ପୂଜକ ଓ ସେବାୟତଙ୍କୁ ରାସନ ସାମଗ୍ରୀ ବଣ୍ଟନ କରିଥିଲେ।
ଚାଉଳ, ଡାଲି, ଆଳୁ, ମସଲା ଓ ତେଲ ଥିବା ଗୋଟିଏ ଲେଖାଏଁ ପ୍ୟାକେଟ ସମସ୍ତ ପୂଜକ ଓ ସେବାୟତଙ୍କ ପରିବାର ପାଇଁ ପ୍ରଦାନ କରାଯାଇଥିଲା। ପୂଜକ ଓ ସେବାୟତମାନେ ଆଠଗଡ ବିକାଶ ମଞ୍ଚର ଏତାଦୃଶ ମହନୀୟ କାର୍ଯ୍ୟକୁ ପ୍ରଶଂସା କରାଯିବା ସହ ଅନୁଷ୍ଠାନ ଓ ସଭାପତି ଶ୍ରୀ ବସ୍ତିଆଙ୍କୁ ସେ କୃତଜ୍ଞତା ଜଣାଇଥିଲେ।
