ଭୁବନେଶ୍ବର: କେନ୍ଦୁଝର ଜିଲା ଘଟଗାଁସ୍ଥିତ ତାରିଣୀ ମନ୍ଦିରରେ ଏଣିକି ସପ୍ତାହର ୩ ଦିନ ଭକ୍ତମାନେ ପ୍ରବେଶ କରିପାରିବେ ନାହିଁ। ଘଟଗାଁ ତାରିଣୀ ମନ୍ଦିର ୩ ଦିନ ପାଇଁ ଶ୍ରଦ୍ଧାଳୁଙ୍କ ପାଇଁ ବନ୍ଦ ରହିବ ବୋଲି କେନ୍ଦୁଝର ଜିଲା ପ୍ରଶାସନ ପକ୍ଷରୁ ନିଷ୍ପତ୍ତି ନିଆଯାଇଛି। ଏଣିକି ପ୍ରତି ଶନିବାର, ରବିବାର ଓ ମଙ୍ଗଳବାର ତାରିଣୀ ମନ୍ଦିରରେ ଭକ୍ତଙ୍କ ଦର୍ଶନ ବନ୍ଦ ରହିବ। ଘଟଗାଁ ତାରିଣୀଙ୍କ ଦର୍ଶନ ପାଇଁ ଓଡିଶା ବାହାର ଭକ୍ତ ପାଇଁ କଟକଣା ଲାଗୁ କରାଯାଇଛି।
- Advertisement -
ଓଡ଼ିଶା ବାହାର ଭକ୍ତ ଦର୍ଶନ ପାଇଁ ଆସିଲେ ସାଥିରେ ଗତ ୭୨ ଘଣ୍ଟା ଅବଧିର ଆରଟିପିସିଆର କୋଭିଡ ନେଗେଟିଭ ରିପୋର୍ଟ ପ୍ରମାଣପତ୍ର ନେଇଆସିବା ଜରୁରୀ। ଭକ୍ତମାନେ ନିଜ ନିଜର ପ୍ରମାଣପତ୍ର-ଆଧାର ବା ଭୋଟର ପରିଚୟପତ୍ର ଆଦି ନେଇ ସାଙ୍ଗରେ ଆସିବା ପାଇଁ ପରାମର୍ଶ ଦିଆଯାଇଛି। ପରବର୍ତ୍ତୀ ଆଦେଶ ପର୍ଯ୍ୟନ୍ତ ଏହି କଟକଣା ଜାରି ରହିବ ବୋଲି କେନ୍ଦୁ ଝର ଜିଲା ପ୍ରଶାସନ ପକ୍ଷରୁ ବିଜ୍ଞପ୍ତି ଜାରି କରାଯାଇଛି।
