ନବରଙ୍ଗପୁରରେ ଆସନ୍ତାକାଲିଠାରୁ ନାଇଟ୍ କର୍ଫ୍ୟୁ

ନବରଙ୍ଗପୁର : ମହାମାରୀ କରୋନାକୁ ଦୃଷ୍ଟିରେ ରଖି ସମଗ୍ର ନବରଙ୍ଗପୁର ଜିଲାରେ ଗୁରୁବାର (ଆସନ୍ତାକାଲି) ୨୫ ତାରିଖ ରାତ୍ର ୮ଟାରୁ ସକାଳ୬ଟା ପର୍ଯ୍ୟନ୍ତ ରାତ୍ରକାଳନୀ କର୍ଫ୍ୟୁ ଲାଗୁ କରାଯାଇଛି। ଜିଲାପାଳ ଡଃ.ଅଜିତ୍‍ କୁମାର ମିଶ୍ର ଜାରି କରିଥିବା ବିଞପ୍ତି ଅନୁସାରେ ଏହି ସମୟରେ ୫ଜଣରୁ ଅଧିକ ଲୋକ ଏକାଠି ହୋଇ ପାରିବେ ନାହିଁ। ସେମିନାର, କର୍ମଶାଳା, ଓ ସଭା ସମିତିକୁ ବାତିଲ କରାଯାଇଛି। ସମାଜିକସଭା, ଧାର୍ମିକ ସଭା, ସମିତି, ବାହାଘର ଭୋଜି, ବରଯାତ୍ରୀ, ଅପେରା ସମେତ ଅନ୍ୟାନ୍ୟ ଉତ୍ସବ, ରାଜନୈତିକ ସଭା, ଆନ୍ଦୋଳନ କରାଯାଇ ପାରିବନି, କଲ୍ୟାଣ ମଣ୍ଡପକୁ ଅନୁମତି ଦିଆଯିବନି। ହୋଟେଲ ଓ ଲଜରେ ରହୁଥିବା ଲୋକ କୋଭିଡ୍‍ ନିୟମ ମାନିଚଳିବେ। ଏହାଛଡା ଯେଉଁମାନେ କାଶ,ଜ୍ୱର ଓ ନିଶ୍ୱାସ ନେବାରେ ଅସୁବିଧା ଭୋଗୁଛନ୍ତି ସେମାନେ ତୁରନ୍ତ ଜିଲା ହେଲପଲାଇନ୍‍ ତଥା କୋଭିଡ୍‍ କଣ୍ଟ୍ରୋଲ ରୁମକୁ ଯୋଗାଯୋଗ କରିବାକୁ କୁହାଯାଇଛି। ଏହି ନିର୍ଦ୍ଦେଶନାମାକୁ କଡାକଡି ଭାବେ ପାଳନ କରିବା ପାଇଁ ଉପଜିଲାପାଳ, ସମସ୍ତ ଏକଜ୍ୟୁକୁଟିଭ ମାଜିଷ୍ଟ୍ରେଟ ଓ ଥାନା ଅଧିକାରୀ ନିର୍ଦ୍ଦେଶ ଦିଆଯାଇଛି। ଯେଉଁମନେ ଏହାର ଖିଲାଫ କରିବେ ସେମାନଙ୍କର ବିରୋଧରେ କୋଭିଡ ଆଇନ ଅନୁସାରେ କାର୍ଯ୍ୟାନୁଷ୍ଠାନ ଗ୍ର୍ରହଣକରିବାକୁ କୁହାଯାଇଛି। ଏହାର ନକଲ ଅତିରିକ୍ତ ଜିଲପାଳ ସିଡିଏମଓ ସମସ୍ତ ଜିଲା ଓ ବ୍ଳକ ସ୍ତରୀୟ ଅଧିକାରୀ ମାନଙ୍କୁ ପ୍ରଦାନ କରାଯାଇଛି। ମାଲକାନଗିରି ପରେ ନବରଙ୍ଗପୁର ଜିଲରେ ଏହି ରାତ୍ରକାଳୀନ କର୍ଫ୍ୟୁ ଜାରୀ କରାଯାଇଛି। ତେବେ ଜିଳରେ ବର୍ତ୍ତମାନ ସୁଦ୍ଧା ୧୧ ଜଣ କରୋନା ପଜିଟିଭ କେସ୍‍ ରହିଥିବାବେଳେ ପୋଡଶୀ ରାଜ୍ୟ ଓ ପୋଡଶୀ ଜିଲାରେ ଏହାର ବୃଦ୍ଧିକୁ ଦୃଷ୍ଟିରେ ରଖି ଜିଲା ପ୍ରଶାସନ ପକ୍ଷରୁ ଏହି ପଦକ୍ଷେପ ନିଆଯାଇଥିବା ଜଣାଯାଇଛି।