ନ୍ୟୁୟର୍କ : ଏକ ଐତିହାସିକ ଘଟଣାକ୍ରମେ ପ୍ରଥମ ମୁସଲମାନ ମହିଳା ଭାବେ ୪୨ବର୍ଷୀୟା ରଶିଦା ତାଲିବ ଆମେରିକା କଂଗ୍ରେସ ସଦସ୍ୟତା ହାସଲ କରିବାକୁ ଯାଉଛନ୍ତି। ଡେମୋକ୍ରାଟିକ ଦଳର ପ୍ରାର୍ଥୀ ଭାବେ ମିଚିଗାନ୍ର ତ୍ରୟୋଦଶ କଂଗ୍ରେସ ଜିଲାରୁ ସେ ନିଦ୍ୱର୍ନ୍ଦ୍ୱରେ ବିଜୟ ହାସଲ ପୂର୍ବକ ଜନ୍ କନିୟେର୍ସ ଜୁନିୟରଙ୍କ ସ୍ଥାନରେ କଂଗ୍ରେସକୁ ନିର୍ବାଚିତ ହେବେ। ତେବେ ରଶିଦାଙ୍କ ବିରୋଧରେ ରିପବ୍ଲିକାନ୍ ଦଳର ପ୍ରାର୍ଥୀ ନଥିବାରୁ ଆସନ୍ତା ନଭେମ୍ବରରେ ହେବାକୁ ଥିବା ନିର୍ବାଚନରେ ତାଙ୍କର ବିଜୟ ନିଶ୍ଚିତ ହୋଇଛି। ଜନ୍ କନିୟେର୍ସ ଗତ ୫୦ବର୍ଷ ଧରି ଏଠାରୁ ପ୍ରତିନିଧିତ୍ୱ କରିଆସୁଥିଲେ। ଜନ୍ ୮୯ବର୍ଷ ବୟସରେ ଗତ ଡିସେମ୍ବରରେ ଏହି ପଦରୁ ଓହରି ଯାଇଥିଲେ। ରଶିଦା ହେଉଛନ୍ତି ପାଲେଷ୍ଟାଇନ୍ ବଂଶୋଦ୍ଭବ। ୨୦୦୮ରେ ସେ ପ୍ରଥମ ମୁସଲମାନ ମହିଳା ଭାବେ ପ୍ରାଦେଶିକ ନିର୍ବାଚନରେ ବିଜୟୀ ହୋଇଥିଲେ।
Popular Categories
Previous article
Next article