ନିମାପଡ଼ା: ନିମାପଡ଼ାର ଅଗ୍ରଣୀ ଅନୁଷ୍ଠାନ ଲିଟିଲ ଷ୍ଟାର ଗ୍ରୁପ ପକ୍ଷରୁ ୧୮ଶ ଶିଶୁ ଓ ଯୁବ ମହୋତ୍ସବ ମଙ୍ଗଳବାର ପାଟପୁରସ୍ଥିତ ଭଗବତୀଙ୍କ ପୀଠରେ ଅନୁଷ୍ଠିତ ହୋଇଯାଇଛି। ଗ୍ରୁପର ପ୍ରତିଷ୍ଠାତା ସମ୍ପାଦକ ସୁମନ୍ତ ମହାରଣାଙ୍କ ସଂଯୋଜନାରେ ଶିକ୍ଷାବିତ୍ ରାକେଶ ମହାନ୍ତି, ଶିକ୍ଷକ ନିର୍ମଳ ମିଶ୍ର, ସାମ୍ବାଦିକ ହିମାଂଶୁ ଭୂଷଣ ଓଝା, ସମାଜସେବୀ ରୁପାଲି ଅପରାଜିତା, ଅଭିନେତ୍ରୀ ତମନ୍ନା ପ୍ରମୁଖ ଯୋଗଦେଇ ପିଲାମାନଙ୍କୁ ଉତ୍ତମ ନାଗରିକ ହେବାକୁ ପରାମର୍ଶ ଦେବା ସହିତ ନିଜ ଅଭିଜ୍ଞତା ଓ ଅନୁଭୂତି ବାଣ୍ଟିଥିଲେ।
- Advertisement -
ଏହି ଅବସରରେ ଗ୍ରୁପର ପୁସ୍ତିକା ‘ମୋ ଆଶା’ର ଶୀତ ସନ୍ଧ୍ୟାକୁ ଉନ୍ମୋଚନ କରାଯାଇଥିଲା। ସାଧାରଣ ଜ୍ଞାନ ଏବଂ ପ୍ରବନ୍ଧ ପ୍ରତିଯୋଗିତାର କୃତୀ ପ୍ରତିଯୋଗୀମାନଙ୍କୁ ପୁରସ୍କୃତ କରାଯାଇଥିଲା। ପରେ ପିଲାମାନଙ୍କ ଦ୍ବାରା ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା। ଗ୍ରୁପ ପକ୍ଷରୁ ଗୌରୀଶଙ୍କର ମହାପାତ୍ର, ଅମିୟ ମିଶ୍ର କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।
