ନୂଆଦିଲ୍ଲୀ : ସାରା ଦେଶ ଆଜି ୭୨ତମ ଗଣତନ୍ତ୍ର ଦିବସକୁ ଖୁବ ଖୁସି ଓ ସମ୍ପୂର୍ଣ୍ଣ ଉତ୍ସାହ ସହ ପାଳନ କରୁଛି। ୨୬ ଜାନୁଆରୀ ଦିନ ସାରା ବିଶ୍ୱ ଭାରତର ସାଂସ୍କୃତିକ, ଐତିହ୍ୟ, ସାମରିକ ଶକ୍ତି ଓ ବିକାଶକୁ ଦେଖିଥାଏ। ଯାହା ପ୍ରତ୍ୟେକ ଭାରତବାସୀଙ୍କ ପାଇଁ ଗର୍ବର ବିଷୟ। କରୋନା ବିପଦ ମଧ୍ୟରେ ଚଳିତ ବର୍ଷ ଗଣତନ୍ତ୍ର ଦିବସ ସ୍ୱତନ୍ତ୍ର ଉପାୟରେ ପାଳନ କରାଯାଉଛି। ଏହାସହ ଆଜିର ଏହି ମହାନ ଦିନରେ ଗଣତନ୍ତ୍ର ଦିବସକୁ ସ୍ୱତନ୍ତ୍ର କରି ଗୁଗୁଲ ମଧ୍ୟ ଡୁଡଲ ପ୍ରସ୍ତୁତ କରିଛି। ଗଣତନ୍ତ୍ର ଦିବସରେ ଏକ ସ୍ୱତନ୍ତ୍ର ଡ଼ୁଡଲ ତିଆରି କରି ଗୁଗୁଲ ଭାରତବାସୀଙ୍କୁ ଶୁଭେଚ୍ଛା ଜଣାଇଛି।
୭୨ ତମ ଗଣତନ୍ତ୍ର ଦିବସ ଅବସରେ ଗୁଗୁଲ ଏହି ସ୍ୱତନ୍ତ୍ର ଡୁଡଲ ପ୍ରସ୍ତୁତ କରିଛି ଯେଉଁଥିରେ ଭାରତୀୟ ସଂସ୍କୃତି, ଐତିହ୍ୟର ଝଲକ ଦେଖିବାକୁ ମିଳିଛି। ଏହି ଡୁଡଲରେ ଭାରତ ବିକାଶ ଆଡକୁ ଅଗ୍ରସର ହେଉଥିବା ଦେଖାଯାଉଛି।
ଗୁଗୁଲର ହୋମ ପେଜକୁ କ୍ଲିକ କରିବା ମାତ୍ରେ ଡୁଡଲ ଦେଖାଯାଉଛି। ଏହି ଡୁଡଲରେ ଗୁଗୁଲ ଭାରତର ବିଭିନ୍ନ ରାଜ୍ୟର ସଂସ୍କୃତିକୁ ଦେଖାଇବାକୁ ଚେଷ୍ଟା କରିଛି।
ଗୁଗୁଲର ଏହି ସ୍ୱତନ୍ତ୍ର ଡୁଡଲ ଉପରେ କ୍ଲିକ କରିବା ମାତ୍ରେ ଏକ ନୂତନ ଗୁଗୁଲ ପୃଷ୍ଠା ଖୋଲୁଛି। ଏହି ପୃଷ୍ଠା ଭାରତର ଗଣତନ୍ତ୍ର ଦିବସ ଉପରେ ଆଧାରିତ। ଏଥିରେ ଗଣତନ୍ତ୍ର ଦିବସ ସହ ଜଡିତ ଫଟୋ, ଖବର, ବହୁ ସୂଚନା ସହ ଅନ୍ୟାନ୍ୟ ବହୁ ଜାଣିବା ଜିନିଷ ମଧ୍ୟ ରହିଛି। ଏଠାରେ ଲୋକେ ସହଜରେ ଗଣତନ୍ତ୍ର ଦିବସ ସହ ଜଡିତ ତଥ୍ୟ ବିଷୟରେ ଦେଖିପାରିବେ ଓ ଜାଣି ପାରିବେ।
