ପାଟଣା: ମଧ୍ୟପ୍ରଦେଶର ଭୋପାଳ ନିବାସୀ ବିଶ୍ୱ ହିନ୍ଦୁ ପରିଷଦର ଜିଲ୍ଳା କାର୍ଯ୍ୟକର୍ତ୍ତା କୁଲବେନ୍ଦ୍ର ସିଂହ ପାଦରେ ଚାଲି ଚାଲି ଚାରିଧାମ ଦର୍ଶନ ପାଇଁ ଯାଉଥିବା ବେଳେ ତାଙ୍କୁ ଢେଙ୍କିକୋଟ ରାଷ୍ଟ୍ରୀୟ ସ୍ବୟଂ ସେବକ ସଂଘ ତରଫରୁ ଭବ୍ୟ ସ୍ୱାଗତ କରାଯାଇଛି । ପାଞ୍ଚ ମାସ ପୂର୍ବରୁ କୁଲବେନ୍ଦ୍ର ଭୋପାଳରୁ ବାହାରି ପୁରୀ ଅଭିମୁଖେ ଯାତ୍ରା ଆରମ୍ଭ କରିଥିଲେ । ବିଶ୍ୱର ଶାନ୍ତି, ମୈତ୍ରୀ ଓ ଦେଶବାସୀଙ୍କ ଉଦ୍ଦେଶ୍ୟରେ ଚାରିଧାମ ଦର୍ଶନରେ ବାହାରିଥିବା କୁଲବେନ୍ଦ୍ର ସିଂହ ପ୍ରକାଶ କରିଛନ୍ତି । ଆସନ୍ତାକଲି ଢେଙ୍କିକୋଟଠାରୁ ପୁରୀ ଅଭିମୁଖେ ଯିବେ ବୋଲି ସୂଚନା ଦେଇଛନ୍ତି । ଢେଙ୍କିକୋଟ ରାଷ୍ଟ୍ରୀୟ ସ୍ବୟଂ ସେବକ ସଂଘ ତରଫରୁ ସ୍ଥାନୀୟ ଶିବ ମନ୍ଦିରରେ ତାଙ୍କର ରହିବା ଓ ଖାଇବା ପାଇଁ ସୁବ୍ୟବସ୍ଥା କରାଯାଇଥିବା ଜଣାପଡିଛି । ଏହି ଭବ୍ୟ ସ୍ୱାଗତରେ ଏବିଭିପି ରାଜ୍ୟ ସଭାପତି ଭାଗୀରଥି ପୃଷ୍ଟି, ବିଜେପି ଯୁବମୋର୍ଚ୍ଚା ରାଜ୍ୟ କାର୍ୟ୍ୟକାରିଣୀ ସଦସ୍ୟ ଅମର ସିଂ, ଜିଲ୍ଲା ବିଜେପି ସଂଯୋଜକ ଜୟଦେବ ଗିରି, ଢେଙ୍କିକୋଟ ସତ୍ୟ ନାରାୟଣ ପ୍ରଭାତ ଶାଖାର ତୃପ୍ତି ରଞ୍ଜନ ସାହୁ, ପୂଜକ ଅଦୈତ୍ୟ ଶତପଥୀ ପ୍ରମୁଖ ସାମିଲ ଥିଲେ ।
Popular Categories
Next article