ଲକ୍-ଡାଉନ୍ ସମୟରେ ସାଙ୍ଗସାଥି ଓ ପରିବାରର କେତେଜଣ ସଦସ୍ୟଙ୍କ ସହ ସୁଲତାନ୍ ସଲମାନ୍ ଖାନ୍ ନିଜ ଫାର୍ମ ହାଉସ୍ରେ ରହିଥିଲେ। ସେହି ରହଣି ସମୟରେ ଆଗାମୀ ଚଳଚ୍ଚିତ୍ର ‘ରାଧେ’ର ପୋଷ୍ଟ ପ୍ରଡକ୍ସନ୍ କାମ ମଧ୍ୟ ସେ ସାରିଥିବାର ଜଣାପଡ଼ିଛି। ବହୁ ଚର୍ଚ୍ଚିତ ରିୟାଲିଟି ଶୋ’ ବିଗ୍ ବସ୍-୧୪ର ସୁଟିଂକୁ ନେଇ ସଲମାନ୍ ଏବେ ଚିନ୍ତାରେ। କାରଣ ଏବେ ସେ ମୁମ୍ବଇର ଗ୍ୟାଲାକ୍ସି ଆପାର୍ଟମେଣ୍ଟରେ ସପରିବାର ରହୁଛନ୍ତି। ବୟସ୍କ ବାପା, ମା ଓ ସାନ ଭଉଣୀ ଅର୍ପିତାଙ୍କ ଝିଅ ଆୟାତ୍୍ର ସ୍ବାସ୍ଥ୍ୟକୁ ନେଇ ସଲମାନ୍ ଖୁବ୍ ସଚେତନ। ଏଥିପାଇଁ ସେ ସୁଟିଂରେ ଯୋଗ ଦେବାକୁ ଚାହୁଁନଥିଲେ। ବହୁ ଚିନ୍ତା କରିବା ପରେ ସେ ବିଗ୍ ବସ୍ ସୁଟିଂ ପାଇଁ ରାଜି ହୋଇଥିବାର ୟୁନିଟ୍ ସଦସ୍ୟ କହିଛନ୍ତି। ଆପାର୍ଟମେଣ୍ଟର ଅନ୍ୟ ଏକ ଭାଗରେ ସେ ବିଗ୍ ବସ୍ ସୁଟିଂ ଶେଷ ପର୍ଯ୍ୟନ୍ତ ରହିବେ। ସଲମାନ୍ ଫାର୍ମ ହାଉସ୍ରେ ଥିବା ସମୟରେ ତାଙ୍କ ମା’ ଖୁବ୍ ବ୍ୟସ୍ତ ହେଉଥିଲେ। ତାହା ଅନ୍ୟତମ କାରଣ, ସଲମାନ୍ ସେଠାରୁ ଯଥା ଶୀଘ୍ର ଫେରିଆସିବାକୁ ଯୋଜନା କରିଥିଲେ।
Popular Categories
Previous article
Next article