ମାଲକାନାଗିରି: ଛତିଶଗଡ଼ର କଙ୍କେର୍ ଜିଲ୍ଲାରେ ବାରକୋଟ ଗାଁରେ ବିଏସଏଫ ଯବାନ ଓ ନକ୍ସଲଙ୍କ ମଧ୍ୟରେ ଗୁଳି ବିନିମୟ ହୋଇଛି। ଏଥିରେ ଦୁଇ କନେଷ୍ଟବଳ ପ୍ରାଣ ହରାଇଥିବା ବେଳେ ଜଣେ ବିଏସଏଫ ଯବାନ ଆହତ ହୋଇଛନ୍ତି। ଆହତ ଯବାନଙ୍କୁ ଅଧିକ ଚିକିତ୍ସା ପାଇଁ ବିମାନ ଯୋଗେ ରାୟପୁର ନିଆଯାଇଛି। ସହିଦ ଦୁଇ କନେଷ୍ଟବଳ ହେଲେ ରାଜସ୍ଥାନର ଲୋକେନ୍ଦର୍ ସିଂହ ଏବଂ ପଞ୍ଜାବର ମୁକ୍ଧିଆର୍ ସିଂହ ଓ ଆହତ ଯବାନ ସନ୍ଦୀପ ଦେ ପଶ୍ଚିମବଙ୍ଗ ଅଞ୍ଚଳର ବୋଲି ଜଣାପଡିଛି।
ସୂଚନାଯୋଗ୍ୟ, ରବିବାର ସକାଳେ ବିଏସ୍ଏଫ୍ ୧୧୪ ବାଟାଲିୟାନ୍ ଯବାନ କୁମ୍ବଂ ଅପରେସନ ଚଳାଇଥିବା ବିଏସ୍ଏଫ୍ ମହଲ କ୍ୟାମ୍ପ୍ ଉପରକୁ ନକ୍ସଲମାନେ ଆକ୍ରମଣ କରିଥିଲେ। ପରେ ବିଏସ୍ଏଫ୍ ଯବାନମାନେ ପାଲଟା ଆକ୍ରମଣ କରିଥିଲେ।
