ବୋଲଗଡ : କରୋନା ମହାମାରୀ ସାରା ବିଶ୍ୱକୁ ଆତଙ୍କିତ କରିଥିବା ବେଳେ ଜନସାଧାରଣ ରୋଜଗାର ହରାଇ ନିଶ୍ୱ ହୋଇଯାଇଛନ୍ତି। ରୋଜଗାର ହରାଇଥିବା କିଛି ଅସାମାଜିକ ବ୍ୟକ୍ତି ଚୋରୀକୁ ପ୍ରମୁଖ ଆୟ ଭାବି ନିଜର କୁକାର୍ଯ୍ୟ ଜାରି ରଖିଛନ୍ତି। ବୋଲଗଡ ସଦର ମହକୁମା ସମେତ ଏହାର ଆଖପାଖ ଅଞ୍ଚଳରେ ଦିନକୁଦିନ ଚୋରାମାନଙ୍କର ଉତ୍ପାତ ବଢିବାରେ ଲାଗିଛି। ଦିର୍ଘ ୧ମାସରୁ ଉର୍ଦ୍ଧ୍ବ ହେବ ସିରିଜ ଚୋରୀ ଭଳି ଚୋରଦଳ ନାଟକୀୟ ଢଙ୍ଗରେ ଦୁଇ ଲୋକଙ୍କୁ ଟାର୍ଗେଟ କରି ଚୋରୀ ଆରମ୍ଭ କରିଦେଇଛନ୍ତି। ଏପରିକି ଚୋରମାନେ ଏକାଧିକ ସଂଘବଦ୍ଧ ଭାବେ ଘରର ସମ୍ମୁଖ ଭାଗରେ ଥିବା ଗ୍ରୀଲକୁ କାଟି ଘରେ ପଶି ଚୋରି କରୁଥିବାର ଜଣାପଡିଛି। ଦିର୍ଘ ୧ମାସ ମଧ୍ୟରେ ସ୍ଥାନୀୟ ଜଣେ ବ୍ୟକ୍ତିଙ୍କ ଦାଣ୍ଡ ଦୁଆରୁ ବୋଲେରୋ ଗାଡି ଚୋରି କରିଥିବାରୁ ଏସମ୍ପର୍କରେ ଥାନାରେ ଅଭିଯୋଗ ହୋଇଥିଲା। କିନ୍ତୁ ପୁଲିସକୁ ଫୋନ କରିବାରେ ସେ ଯାଗାକୁ ନଯାଇ ସକାଳେ ଯିବ କହି ଚୋରଙ୍କୁ ପ୍ରଶୟ ଦେଉଥିବା ଅଭିଯୋଗ ହେଉଛି। ସମାନ୍ତରାଳ ଭାବେ ଜଣେ ବ୍ୟକ୍ତିଙ୍କ କାର ଚୋରି କରିବାକୁ ବାଡିପଟ ଗ୍ରୀଲ କାଟୁଥିବା ବେଳେ କୌଣସି ବ୍ୟକ୍ତି ଗ୍ରୀଲ କଟା ଶବ୍ଦ ଶୁଣୀ ପାଟି କରିବାରୁ ଚୋରମାନେ ଭୟରେ ଘଟଣାସ୍ଥଳରୁ ଦୌଡି ଚାଲିଯାଇଥିଲେ। ସେହିପରି ଅନୁରୂପ ଭାବେ ଘର ସମ୍ମୁଖରେ ରଖିଥିବା ବାଇକ ଗାଡିକୁ ପୃଥକ ପୃଥକ ଭାବେ ଚୋରି କରୁଥିବା ଥାନାରେ ଅଭିଯୋଗ ହେଉଛି। ଏପର୍ଯ୍ୟନ୍ତ ଗୋଟିଏ ଚାରିଚକିଆ ଏବଂ ୫ରୁ ଉର୍ଦ୍ଧ୍ବ ବାଇକ ଚୋରି ହୋଇଥିଲେ ମଧ୍ୟ ବର୍ତ୍ତମାନ ସୁଦ୍ଧା ପୁଲିସ ହାତରେ ଚୋରର କୌଣସି ସୁରାକ ଲାଗିନାହିଁ। ତେଣୁ ଜନସାଧାରଣ ନିର୍ଭୟରେ ରାତିରେ ଶୋଇ ପାରୁନଥିବା ଦେଖିବାକୁ ମିଳିଛି। ଅପରପକ୍ଷେ ଭୀମପଡା ବଜାରରୁ ଛୋଟବଡ ଚୋରୀ ଘଟଣା ଘଟିଥିଲେ ମଧ୍ୟ ଏସମ୍ପର୍କରେ ପୁଲିସ ପାଖରେ କୌଣସି ସୁରାକ୍ ନାହିଁ। ଅନ୍ଧାରରେ ବାଡି ବୁଲାଇବା ନ୍ୟାୟରେ ପୁଲିସ ନିଜର ନୈତିକତା ଦୃଷ୍ଟିରୁ ଗୋଟେ ଅଧେ ପାଟ୍ରୋଲିଙ୍ଗ କରି କାମ ସାରିଦେଉଛି। ବର୍ତ୍ତମାନ ସମୟରେ କୋଭିଡ-୧୯ ଦ୍ୱାହି ଦେଇ ଚୋରମାନେ ପୁଲିସକୁ ଚ୍ୟାଲେଞ୍ଜ ଦେଇ ସେମାନଙ୍କର ଆତଙ୍କ ଖେଳାଇ ଚାଲିଛନ୍ତି। ଯାହାଫଳରେ ଜନସାଧାରଣଙ୍କ ଧନଜୀବନପ୍ରତି ବିପଦ ସୃଷ୍ଟି ହେଉଛି। ଏହି ପରୀପ୍ରେକ୍ଷୀରେ ବୋଲଗଡ ପୁଲିସ ଚୋରମାନଙ୍କ ସମ୍ପର୍କରେ ତୀଷ୍ମ ନଜର ରଖି ଜନସାଧାରଣଙ୍କ ଧନଜୀବନର ସୁରକ୍ଷା ଦେବାରେ ଗୁରୁତ୍ୱପୂର୍ଣ୍ଣ ପଦକ୍ଷେପ ନେବାକୁ ବୁଦ୍ଧିଜୀବୀ ମହଲରେ ଦାବି ହେଉଛି।
Popular Categories
Previous article
Next article