ଲଖୀମପୁର : ଉତ୍ତରପ୍ରଦେଶ ଲଖୀମପୁରର ଖୀରୀ ଜିଲାରେ ମିଟାଉଲୀ ଥାନା ଅନ୍ତର୍ଗତ କସ୍ତା କସୱେ ନିକଟରେ ଜଣେ ବ୍ୟକ୍ତିଙ୍କ ଠାରୁ ଦୁଇ ମୁହଁ ବିଶିଷ୍ଟ ଦୁର୍ଲ୍ଲଭ ସାପ ମିଳିବା ଘଟଣାରେ ପୁଲିସ ଉକ୍ତ ବ୍ୟକ୍ତିକୁ ଗିରଫ କରିଥିବା ଜଣାପଡ଼ିଛି। ଗିରଫ ବ୍ୟକ୍ତି ଜଣଙ୍କ ସେହି ସାପକୁ ଅନ୍ୟତ୍ର ଦେବାକୁ ଯାଉଥିବା ବେଳେ ପୁଲିସ ତାଙ୍କୁ ଗିରଫ କରିଥିଲା।
ପୁଲିସଙ୍କୁ ଏହି ଘଟଣା ବିଷୟରେ ଗୁପ୍ତଚରଙ୍କ ଠାରୁ ସୂଚନା ପାଇଥିବା ଅନୁଯାୟୀ, ଜଣେ ବ୍ୟକ୍ତି ନିଜ ବ୍ୟାଗରେ ଦୁର୍ଲ୍ଲଭ ପ୍ରଜାତିର ୨ଟି ସାପକୁ କାହାକୁ ଦେବାକୁ ଯାଉଛି, ଏହା ଜାଣି ପୁଲିସ ନିଜର କାମ ଆରମ୍ଭ କରିଥିଲା। ଏହାପରେ ଘଟଣାସ୍ଥଳରେ ପହଞ୍ଚି ଉକ୍ତ ଯୁବକକୁ ବାଇକ, ବ୍ୟାଗ ସହ ଗିରଫ କରିଥିଲା।
ପୁଲିସ ବନ୍ୟଜନ୍ତୁଙ୍କ ନିୟମ ଅନୁଯାୟୀ ମାମଲା ରୁଜୁ କରିବା ସହ ବନ ବିଭାଗକୁ ଆବଶ୍ୟକୀୟ ତଦନ୍ତ ପାଇଁ ସୂଚନା ଦେଇଛି। ଦୁଇ ମୁହଁ ବିଶିଷ୍ଟ ସାପ କୁହାଯାଉଥିବା ଏହି ରେଡ଼ ସ୍ୟାଣ୍ଡ ବୋଆ , ଯାହାର ମୂଲ୍ୟ ଭାରତରେ ୧୦ ରୁ ୨୦ ଲକ୍ଷ ଓ ଅନ୍ତଃରାଷ୍ଟ୍ରୀୟ ବଜାରରେ ୧ କୋଟି ବୋଲି ଜଣାପଡ଼ିଛି। ସାପର ଓଜନ ଉପରେ ଏହାର ମୂଲ୍ୟ ନିର୍ଭର କରିଥାଏ। ଶିକାରୀମାନେ ଶିକାର କରି ଏହି ସାପକୁ ବାହାରକୁ ଚୋରାଚାଲାଣ କରିଥାଆନ୍ତି।
ଏହି ରେଡ଼ ସ୍ୟାଣ୍ଡ ବୋଆ ଭାରତ, ପାକିସ୍ଥାନ, ଇରାନରେ ମିଳିଥାଏ। ଅନ୍ୟ ସାପଙ୍କ ଭଳି ଏମାନେ ମଧ୍ୟ ବିଷଧର। ଏହି ସାପମାନେ ମୂଷା,କୀଟ ଅନ୍ୟ ଛୋଟ ଛୋଟ ପଶୁଙ୍କୁ ନିଜର ଶିକାର କରିଥାଆନ୍ତି।
ଦୁର୍ଲ୍ଲଭ ପ୍ରଜାତିର ଲକ୍ଷାଧିକ ମୂଲ୍ୟର ୨ ମୁହଁ ବିଶିଷ୍ଟ ସାପର ଚୋରାଚାଲାଣ ; ଜଣେ ଗିରଫ
Popular Categories
Previous article
Next article