ଭୁବନେଶ୍ବର: ଖୋର୍ଦ୍ଧା ଜିଲାରେ ଦିନକୁ କରୋନା ସଂକ୍ରମଣ ବୃଦ୍ଧି ପାଇବାରେ ଲାଗିଛି। କରୋନା ସଂକ୍ରମଣକୁ ପ୍ରତିହତକରିବା ପାଇଁ ଦିନକୁ ପ୍ରାୟ ୧୫୦୦ କୋଭିଡ୍ ଟେଷ୍ଟିଂ କରାଯାଉଛି। ସେଥିପାଇଁ ଖୋର୍ଦ୍ଧା ଜିଲାରେ କରୋନା ସଂକ୍ରମଣ ହାର ବୃଦ୍ଧି ପାଉଥିବାବଳେ ଆରୋଗ୍ୟ ହାର ମଧ୍ୟ ବଢୁଛି ବୋଲି ଖୋର୍ଦ୍ଧା ଜିଲାପାଳ ସନତ କୁମାର ମହାନ୍ତି ପ୍ରକାଶ କରିଛନ୍ତି।
ଖୋର୍ଦ୍ଧା ଜିଲାପାଳ ସନତ କୁମାର ମହାନ୍ତି କହିଛନ୍ତି ଯେ ଖୋର୍ଦ୍ଧା ଜିଲାବାସୀଙ୍କ ପାଇଁ ଆଶ୍ୱସ୍ତିକର ଖବର ରହିଛି। ବିଗତ ୧୪ ଦିନ ମଧ୍ୟରେ ଖୋର୍ଦ୍ଧା ଜିଲାର ୭୪ ପ୍ରତିଶତ ଗ୍ରାମରୁ କୌଣସି କରୋନା ଆକ୍ରାନ୍ତ ଚିହ୍ନଟ ହୋଇ ନାହାନ୍ତି। ତେଣୁ ଏହି ଗ୍ରାମଗୁଡ଼ିକୁ ଗ୍ରୀନ୍ କାଟାଗୋରୀ ଜୋନ୍ରେ ରଖାଯାଇଛି। ଯେଉଁ ସ୍ଥାନରୁ ସଂକ୍ରମଣ ହାର ବଢୁଛି ସେହି ଅଞ୍ଚଳକୁ ରେଡ୍ କାଟାଗୋରୀ ଜୋନ୍ରେ ରଖାଯାଇଛି।
କରୋନା ପରିଚାଳନା ଏବଂ ଟେଷ୍ଟିଂ ନେଇ ଖୋର୍ଦ୍ଧା ଜିଲାରେ ଏବେ ୨୨ ଟିମ୍ କାର୍ଯ୍ୟ କରୁଛନ୍ତି। ସିଡିଏମଓ ଅଫିସରେ ୨୪ ଘଣ୍ଟିଆ ଜରୁରୀକାଳୀନ ହେଲ୍ପଲାଇନ୍ କଣ୍ଟ୍ରୋଲ ରୁମ୍ ବ୍ୟବସ୍ଥା କରାଯାଇଛି।
Comments are closed.