ସର୍ବେକ୍ଷଣରୁ ଜଣାପଡ଼ିଛି, ପ୍ରତି ୧୦ଜଣରେ ୬ଜଣ ଲୋକ ନିୟମିତ ଘୁଙ୍ଗୁଡ଼ି ମାରିଥାନ୍ତି। ଜଣେ ବ୍ୟକ୍ତି ଘୁଙ୍ଗୁଡ଼ି ମାରିଲେ, ପାଖରେ ଶୋଇଥିବା ଅନ୍ୟଜଣକର ନିଦ ହିଁ ବ୍ୟାଘାତ ହୋଇଥାଏ। ଘୁଙ୍ଗୁଡ଼ି ମାରିବାରୁ ରକ୍ଷା ପାଇବାକୁ ଚାହୁଁଥିଲେ, କେତୋଟି ସରଳ ଉପାୟ ପାଳନ କରନ୍ତୁ।
– ଦୈନିକ ଅଦା ଓ ମହୁ ମିଶ୍ରିତ ଚା’ ପିଅନ୍ତୁ। ୧ ମାସ ନିୟମିତ ଏଇ ଚା’ ଦିନକୁ ୨ଥର ପିଇଲେ ଘୁଙ୍ଗୁଡ଼ି ମାରିବା କମ୍ ହେଉଥିବାର ଦେଖାଯାଇଛି।
– ରସୁଣ, ପିଆଜ ଇତ୍ୟାଦିକୁ ପ୍ରତିଦିନ ଦ୍ବିପହର ଭୋଜନରେ ସାମିଲ କରିବା ଉଚିତ। ତୁରନ୍ତ ଏହାର ଫରକ୍ ଜାଣି ନ ପାରିଲେ ମଧ୍ୟ ସମୟକ୍ରମେ ଏହି ଉପାୟରେ ଘୁଙ୍ଗୁଡ଼ିରୁ ରକ୍ଷା ମିଳେ।
– ଦୈନିକ ଫଳରସ ପିଇବା ଫଳମୂଳ ଖାଇବା ମଧ୍ୟ ସ୍ବାସ୍ଥ୍ୟ ପାଇଁ ଭଲ। ଏସବୁରେ ଥିବା ପୋଷକତତ୍ତ୍ବ ଆମ ଭଲ ନିଦ ହେବାରେ ସହାୟକ ହେବା ସହ ଘୁଙ୍ଗୁଡ଼ି କମ୍ କରେ।
– ଅଲିଭ ତେଲ ମଧ୍ୟ ଭଲ ନିଦ ହେବାରେ ସହାୟକ ହୋଇଥାଏ। ଏଣୁ ଅଲିଭ ତେଲ ରନ୍ଧା ଖାଦ୍ୟ ଓ ଅଲିଭ ତେଲ ପ୍ରସ୍ତୁତ ସାଲାଡ୍ ଖାଇବା ମଧ୍ୟ ଭଲ।
– ପ୍ରତିଦିନ ବାମ୍ଫ ନେଲେ ଘୁଙ୍ଗୁଡ଼ି କମ୍ ହେଉଥିବାର ଅନୁଧ୍ୟାନରୁ ଜଣାପଡ଼ିଛି। ବାମ୍ଫ ନେବା ଉଭୟ ତ୍ବଚା ଓ ସ୍ବାସ୍ଥ୍ୟ ପାଇଁ ହିତକାରୀ।
– ଏସବୁ ସହ ନିୟମିତ ଭାବେ ଯୋଗ, ପ୍ରାଣାୟମ କରିବା ଘୁଙ୍ଗୁଡ଼ି ମାରିବାରୁ ରକ୍ଷା କରିଥାଏ।
– ସକାଳୁ ଉଠିବା ପରେ ପ୍ରଥମେ ୫-୭ ମିନିଟ୍ ଯୋଗାଭ୍ୟାସ କରିବା ଉଚିତ।
ଘୁଙ୍ଗୁଡ଼ିରୁ ବର୍ତ୍ତିବାର ସରଳ ଉପାୟ
Popular Categories
Previous article
Next article