ବ୍ରହ୍ମପୁର: ଗଂଜାମ ଜିଲ୍ଲା ବ୍ରହ୍ମପୁର ସହରରେ ଭ୍ରାମ୍ୟମାଣ ଭ୍ୟାନରେ କରୋନା ପରୀକ୍ଷଣ ଶୁକ୍ରବାର ଆରମ୍ଭ ହୋଇଛି । କରୋନାର ଦ୍ରୁତ ଗତିକୁ ନଜରରେ ରଖି ବ୍ରହ୍ମପୁର ସମେତ ଜିଲ୍ଲାର ସମସ୍ତ ସହରାଞ୍ଚଳରେ ବର୍ତ୍ତମାନ ସ୍ୱତନ୍ତ୍ର ସ୍ୱାସ୍ଥ୍ୟ ଯାଞ୍ଚ କାର୍ଯ୍ୟକ୍ରମ ଚାଲୁରହିଛି । ଏଥିପାଇଁ ଜିଲ୍ଲାକୁ ୧୩ ତାରିଖ ପର୍ଯ୍ୟନ୍ତ ସଟଡାଉନ ଘୋଷଣା କରାଯାଇଛି । ବ୍ରହ୍ମପୁରରେ ୪ ଲକ୍ଷ ଲୋକଙ୍କ ସ୍ୱାସ୍ଥ୍ୟ ଯାଞ୍ଚ ପାଇଁ ୧୦୦ ଟି ଡାକ୍ତରୀ ଟିମ ନିୟୋଜିତ ହୋଇଛନ୍ତି । ତେବେ ଏହି ଯାଞ୍ଚ ବେଳେ ଯେଉଁଠି କରୋନା ଲକ୍ଷଣ ଥିବା ବ୍ୟକ୍ତି ବାହାରିବେ ସେଠାରେ ଭ୍ୟାନ ପହଂଚି ସ୍ୱାବ ସଂଗ୍ରହ କରିବ । ବ୍ରହ୍ମପୁର ମହାନଗର ନିଗମ କାର୍ଯ୍ୟାଳୟ ପରିସରରେ ଆଜି ଏହି ଭ୍ୟାନକୁ ଜିଲାପାଳ ବିଜୟ ଅମୃତ କୂଲାଙ୍ଗେ ଉଦଘାଟନ କରିଥିଲେ । ସେହିସମୟରେ କମିଶନର ଚକ୍ରବର୍ତ୍ତୀ ସିଂ ରାଠୋର, ଉପଜିଲ୍ଲାପାଳ ସିନ୍ଧେ ଦତାତ୍ରୟ ଭାଉସାହେବ, ସିଡ଼ିଏମଓ ଡା .ଉମାସଙ୍କର ମିଶ୍ର ଉପସ୍ଥିତ ଥିଲେ । ଏହା ଦ୍ୱାରା କରୋନା ରୋଗୀଙ୍କୁ ସ୍ୱାବ ଦେବାକୁ ହସ୍ପିଟାଲକୁ ଆସିବାକୁ ପଡିବ ନାହିଁ ଏବଂ ସଂକ୍ରମଣକୁ ମଧ୍ୟ ରୋକାଯାଇ ପାରିବ ବୋଲି ଜିଲ୍ଲାପାଳ କହିଛନ୍ତି ।
Popular Categories
Previous article
Next article