ଆଠଗଡ : କଟକ ଜିଲ୍ଲା ଆଠଗଡ଼ ସବ୍ଡିଭିଜନ୍ ଅଧୀନ ବଡ଼ମ୍ବା ଥାନା କଣ୍ଟେନମେଣ୍ଟ୍ ଜୋନ ଭାବେ ଘୋଷଣା ହୋଇଛି । ଥାନାର ଆଇଆଇସି କରୋନା ପଜିଟିଭ୍ ଚିହ୍ନଟ ପରେ ଥାନାକୁ କଣ୍ଟେନମେଣ୍ଟ ଜୋନ୍ ଭାବେ ଘୋଷଣା କରାଯାଇଛି । ଆଇଆଇସିଙ୍କୁ ଜ୍ବର ହେଉଥିବା କାରଣରୁ ତାଙ୍କ ସ୍ବାବ୍ ଟେଷ୍ଟ କରାଯାଇଥିଲା ଏବଂ ରିପୋର୍ଟ କରୋନା ପଜିଟିଭ୍ ଆସିଥିଲା। ଏହାପରେ ଆଇଆଇସିଙ୍କୁ କୋଭିଡ ହସ୍ପିଟାଲକୁ ସ୍ଥାନାନ୍ତର କରାଯାଇଛି। ଏନେଇ ଆଠଗଡ ଏସଡିପିଓ ଆଲୋକ ରଞ୍ଜନ ରାୟ।
ଆଇଆଇସି କରୋନା ଆକ୍ରାନ୍ତ ଚିହ୍ନଟ ହେବାପରେ ସମ୍ପୃକ୍ତ ଥାନାର ଅନ୍ୟ କର୍ମଚାରୀଙ୍କ ମଧ୍ୟରେ ଭୟର ବାତାବରଣ ଖେଳିଯାଇଛି। ସବୁଠୁ ବଡ କଥା ହେଉଛି ଥାନାର ୭ ରୁ ୮ କର୍ମଚାରୀଙ୍କୁ ଜ୍ବର ହେଉଥିବା ସୂଚନା ମିଳିଛି। ଏଣୁ ଥାନାରେ ଥିବା କାର୍ଯ୍ୟକରୁଥିବା ୨୨ ଜଣ କର୍ମଚାରୀଙ୍କ ସ୍ବାବ ନମୁନା ପରୀକ୍ଷା କରାଯିବ ବୋଲି ନିଷ୍ପତ୍ତି ନିଆଯାଇଛି। ଏଥି ସହିତ ଥାନାକୁ ଆସିଥିବା ଆଠଗଡ ଏସଡିପିଓ ଏବଂ ଦୁଇ ଡ୍ରାଇଭାରଙ୍କ ସମେତ ଗୁରୁଡ଼ିଝାଟିଆ ଓ ଖୁଣ୍ଟୁଣି ଥାନା କର୍ମଚାରୀଙ୍କ ମଧ୍ୟ ନମୂନା ପରୀକ୍ଷା ହେବ ବୋଲି ଏସଡିପିଓ ସୂଚନା ଦେଇଛନ୍ତି।
Comments are closed.