କଟକ : କରୋନା ମହାମାରୀକୁ ନେଇ ସାରା ଦେଶ ଲକ୍ଡାଉନ୍। ଏବେ ଦୁଇବେଳା ଖାଇବା ଯୋଗାଡ଼ କରିବା ସାଧାରଣ ଲୋକଙ୍କ ପାଇଁ କଷ୍ଟକର ହୋଇପଡ଼ିଛି। ଏଭଳି ସ୍ଥଳେ ଜଣେ ମହିଳା ଚାଷୀ ଗ୍ରାମଗ୍ରାମ ବୁଲି ପରିବା ଯୋଗାଇବା ଭଳି ପ୍ରଶଂସନୀୟ କାର୍ୟ୍ୟ କରି ଚାଲିଛନ୍ତି। ମହିଳା ଚାଷୀଙ୍କ ଏଭଳି କାର୍ଯ୍ୟକୁ ପୂର୍ବତନ କ୍ରିକେଟର ଭି.ଭି ଏସ୍ ଲକ୍ଷ୍ମଣ ପ୍ରଶଂସା କରିଛନ୍ତି ।
ଭଦ୍ରକ ଜିଲାର ଛାୟାରାଣୀ ସାହୁ ଜଣେ ମହିଳା ଚାଷୀ। ଲକ୍ଡାଉନ୍ ପାଇଁ ପରିବା ବଜାରରେ ବିକ୍ରି କରିବା ଅସମ୍ଭବ ହୋଇପଡିଛି। ଲୋକମାନଙ୍କ ନିକଟରେ ପରିବା ପହଞ୍ଚାଇବା ନେଇ ଛାୟାରାଣୀ ପାଖାପାଖି ୧୫ କିଲୋମିଟର ଅଞ୍ଚଳ ମଧ୍ୟରେ ପରିବା ବିକ୍ରି କରୁଛନ୍ତି। ଯାହା ଫଳରେ ଛାୟାରାଣୀ ଚାଷ କରିଥିବା ପରିବାକୁ ବିକ୍ରି କରି କିଛି ଟଙ୍କା ରୋଜଗାର କରିବା ସହିତ ଲୋକମାନଙ୍କୁ ପରିବା ଯୋଗାଇବାରେ ମଧ୍ୟ ସଫଳ ହୋଇଛନ୍ତି। ଜଣେ ମହିଳା ଭାବେ ଏଭଳି କାର୍ଯ୍ୟ କରିପାରିବା ସହିତ ଲୋକମାନଙ୍କୁ ପରିବା ଯୋଗାଇବାକୁ ନେଇ ହାଇଦ୍ରାବାଦ୍ର ପୂର୍ବତନ କ୍ରିକେଟର ଲକ୍ଷ୍ମଣ ବେଶ ପ୍ରଶଂସା କରିଛନ୍ତି। ମାନବିକତାର ଅନ୍ୟଏକ ଉଦାହରଣ ଛାୟାରାଣୀ ବୋଲି ଲକ୍ଷ୍ମଣ ଟ୍ବିଟ୍ କରି କହିଛନ୍ତି ।
Comments are closed.