ଭୁବନେଶ୍ୱର: କୋଭିଡ୍-୧୯ ତଥା କରୋନା ଭୂତାଣୁ ସଂକ୍ରମଣ ମୁକାବିଲା ପାଇଁ ଟ୍ବିନ୍ସିଟି(କଟକ-ଭୁବନେଶ୍ୱର)ରେ କଟକଣା ପୂର୍ବଭଳି ବଳବତ୍ତର ରହିବ। କରୋନା ଭୂତାଣୁ ସଂକ୍ରମଣ ରୋକିବା ଲାଗି ଏଭଳି ପଦକ୍ଷେପ ନିଆଯାଇଛି। ପରିସ୍ଥିତିର ପରବର୍ତ୍ତୀ ସମୀକ୍ଷା ହେବା ପର୍ଯ୍ୟନ୍ତ ଏହି କଟକଣା ଜାରି ରହିବ ବୋଲି ମୁଖ୍ୟଶାସନ ସଚିବ ଅସିତ୍ କୁମାର ତ୍ରିପାଠୀ କହିଛନ୍ତି।
ଏକ ଟ୍ବିଟ୍ ଜରିଆରେ ସେ କହିଛନ୍ତି ଯେ କୃଷିକାର୍ଯ୍ୟକୁ ଖୁବ୍ ସାବଧାନତାର ସହ ଆରମ୍ଭ କରାଯାଉଛି; କିନ୍ତୁ କଟକ ଓ ଭୁବନେଶ୍ୱରରେ ବେଶି କିଛି ବଦଳିବ ନାହିଁ । କଟକଣା ପୂର୍ବଭଳି ଜାରି ରହିବ। ସେଥି ପାଇଁ ଲୋକେ ଦୟାକରି ଘରେ ନିରାପଦରେ ରୁହନ୍ତୁ ବୋଲି ମୁଖ୍ୟ ଶାସନ ସଚିବ ପରାମର୍ଶ ଦେଇଛନ୍ତି ।
While the agriculture sector is being cautiously opened up there will be not much change in Bhubaneshwar and Cuttack as far as rhythm of lives of citizens is considered. The twin city continues to be under lockdown restrictions.Pls continue to observe ‘stay at home & be safe !’
— ChiefSecyOdisha (@SecyChief) April 19, 2020
କରୋନା ଭୂତାଣୁ ସଂକ୍ରମଣ ରୋକିବା ପାଇଁ ଅପ୍ରିଲ୍ ୨୦ରୁ ରାଜ୍ୟର ବିଭିନ୍ନ ସ୍ଥାନରେ ଲକ୍ଡାଉନ୍ କଣକଣା କୋହଳ ହେବ ବୋଲି ରାଜ୍ୟ ସରକାର ନିଷ୍ପତ୍ତି ନିଆଯାଇଛି। ତେବେ ଭୁବନେଶ୍ବର କୋଭିଡ୍-୧୯ ହଟ୍ସ୍ପଟ୍ ହୋଇଥିବାରୁ ଲକ୍ଡାଉନ୍ କଟକଣା ଭୁବନେଶ୍ବରରେ ପୂର୍ବଭଳି ବଳବତ୍ତର ରହିବ ବୋଲି ଭୁବନେଶ୍ବର ମହାନଗର ନିଗମ(ବିଏମ୍ସି) ପକ୍ଷରୁ ଟ୍ବିଟ୍ କରାଯାଇଛି। ଏହି ଟୁଇଟକୁ ରିଟୁଇଟ୍ କରିଛନ୍ତି ମୁଖ୍ୟଶାସନ ସଚିବ ଅସିତ କୁମାର ତ୍ରିପାଠୀ । ଏଥିସହ ସେ ନିଜେ ଟୁଇଟ୍ କରି କହିଛନ୍ତି ଯେ କଟକ-ଭୁବନେଶ୍ବରରେ ଲକ୍ଡାଉନ୍ କଟକଣା ପୂର୍ବଭଳି ଜାରି ରହିବ।
The Lock down status in #Bhubaneswar will continue as such to contain the spread of #COVID19 till review of the situation.
Residents of #Bhubaneswar are requested to kindly bear with us and co-operate.@CMO_Odisha @SecyChief @SarangiSudhansu @cpbbsrctc @IPR_Odisha @HFWOdisha
— BMC (@bmcbbsr) April 19, 2020
