ଭାରତୀୟ କ୍ରିକେଟ ଟିମ୍ର ପୂର୍ବତନ ଅଧିନାୟକ କପିଲ ଦେବ ତାଲାବନ୍ଦ ପରିସ୍ଥିତିରେ ଦେଶବାସୀଙ୍କୁ ନିଜନିଜ ଘରେ ରହିବାକୁ ଅନୁରୋଧ କରିଛନ୍ତି। କପିଲଙ୍କ କହିବା ଅନୁସାରେ ମହାମାରୀ ବ୍ୟାପିଥିବା ବେଳେ ନିଜନିଜ ଘରେ ରହିବା ସମଗ୍ର ମାନବ ଜାତି ପାଇଁ ଜୀବନ ରେଖା ପାଲଟି ଯାଇଛି। ନିଜ ଘର ଭିତରେ ପରିବାରକୁ ନେଇ ନିଜର ଏକ ଛୋଟ ପୃଥିବୀ ରହିଛି। ମନୋରଞ୍ଜନ ପାଇଁ ବହି, ଟିଭି, ସଙ୍ଗୀତ ଆଦି ବିଭିନ୍ନ ସାଧନ ରହିଛି। ପରିବାର ସହ ମିଶି ଗପସପ ହେବା ପାଇଁ ଏହି ସମୟ ସବୁଠାରୁ ଭଲ ସୁଯୋଗ ନେଇଆସିଛି ବୋଲି ସେ କହିଛନ୍ତି। କପିଲ ନିଜେ ଘରେ ରହିବା ଅବସରରେ ଘର, ବଗିଚା ସଫାସଫି କରୁଥିବା ସହ ରୋଷେଇ କରୁଥିବାର ଜଣାଇଛନ୍ତି। ଘରୋଇ ସହାୟକମାନଙ୍କୁ ସେ ଛୁଟି ଦେଇଥିବାରୁ ନିଜେ ରୋଷେଇ କାମରେ ଲାଗିଯାଉଛନ୍ତି। ତାଙ୍କର ଛୋଟ ବଗିଚା ଏବେ ତାଙ୍କ ପାଇଁ ଗଲ୍ଫ କୋର୍ସ ପାଲଟି ଯାଇଛି। ଏହି ସଙ୍କଟମୟ ମୁହୂର୍ତ୍ତ ଲୋକମାନଙ୍କୁ ଅଧିକ ଦାୟିତ୍ୱବୋଧ ଶିଖାଇବ ବୋଲି ଆଶା କରିଛନ୍ତି କପିଲ। ସେ କହିଛନ୍ତି, ଏବେ ସ୍ୱଚ୍ଛତା ପ୍ରତି ସମସ୍ତେ ଆଗ୍ରହୀ ହେବା ସହ ହାତ ଧୋଇବା, ସର୍ବସାଧାରଣ ସ୍ଥାନରେ ଛେପ ପକାଇବା, ପରିସ୍ରା କରିବା ଆଦି କାର୍ଯ୍ୟରୁ ବିରତ ରହିବା ନିଶ୍ଚୟ ଶିଖିଯିବେ।
ବଦଳିଛି ଦୈନନ୍ଦିନ ଜୀବନଶୈଳୀ : ରୋଷେଇ କରୁଛନ୍ତି କପିଲଦେବ
Popular Categories
Previous article
Next article