ଜେନେଭା : କରୋନା ଭୂତାଣୁ ସଂକ୍ରମଣ ଏକ ବିଶ୍ୱବ୍ୟାପୀ ବିପଦ ଭାବେ ଦେଖାଦେଇଛି ବୋଲି ବିଶ୍ୱ ସ୍ୱାସ୍ଥ୍ୟ ସଙ୍ଗଠନ କହିଛି। ଏହି ଭୂତାଣୁ ୧୦୦ରୁ ଅଧିକ ଦେଶରେ ତା’ର ପ୍ରଭାବ ବିସ୍ତାର କରିଛି। ସଙ୍ଗଠନର ମହାନିର୍ଦ୍ଦେଶକ ଟେଡ୍ରସ୍ ଆଧାନୋମ୍ ଘେବ୍ରିୟେସସ୍ କହିଛନ୍ତି, ଏହି ଭୂତାଣୁ ବିଭିନ୍ନ ଦେଶରେ ତା’ର କାୟା ବିସ୍ତାର କରିଥିବାରୁ ଏହି ମହାମାରୀ ସମଗ୍ର ବିଶ୍ୱକୁ ବ୍ୟାପିବାର ଭୟ ଦେଖାଦେଇଛି। ସେ କହିଛନ୍ତି, ଇତିହାସର ପ୍ରଥମ ବିଶ୍ୱବ୍ୟାପୀ ମହାମାରୀ ଭାବରେ ଏହାକୁ ବିଭିନ୍ନ ଦେଶର ସରକାର, ବାଣିଜ୍ୟିକ ପ୍ରତିଷ୍ଠାନ ଓ ବ୍ୟକ୍ତିବିଶେଷମାନେ ନିୟନ୍ତ୍ରଣ କରିବାକୁ ସାମୂହିକ ପ୍ରୟାସ କରୁଛନ୍ତି।
ଗତବର୍ଷ ଡିସେମ୍ବର ମାସରେ ଚୀନ୍ର ଉହାନ୍ ସହରରୁ ଏହି ସଂକ୍ରମଣ ୧୦୫ଟି ଦେଶକୁ ବ୍ୟାପିବା ଫଳରେ ୩୮୧୭ ଜଣଙ୍କ ମୃତ୍ୟୁ ହୋଇଥିବା ସହିତ ଲକ୍ଷେ ୧୦ ହଜାର ୨୯ ଜଣ ଏଥିରେ ଆକ୍ରାନ୍ତ ହୋଇଛନ୍ତି।
