ନୂଆଦିଲ୍ଲୀ : କାଶ୍ମୀରରେ ଯେତେଶୀଘ୍ର ସମ୍ଭବ ସ୍ୱାଭାବିକ ଅବସ୍ଥା ଫେରାଇ ଆଣିବା ଦିଗରେ ସବୁମତେ ଉଦ୍ୟମ କରିବାକୁ ସୋମବାର ସୁପ୍ରିମକୋର୍ଟ କେନ୍ଦ୍ର ସରକାରଙ୍କୁ କହିଛନ୍ତି । ପ୍ରଧାନ ବିଚାରପତି ଜଷ୍ଟିସ୍ ରଞ୍ଜନ ଗୋଗୋଇ, ଜଷ୍ଟିସ୍ ଏସ୍.ଏ. ବୋବ୍ଡେ ଏବଂ ଏସ୍.ଏ. ନଜିର୍ଙ୍କ ଖଣ୍ଡପୀଠ କହିଛନ୍ତି, ଯେହେତୁ କାଶ୍ମୀର ଉପତ୍ୟକାରେ ସବୁକିଛି ବନ୍ଦ୍ ରହିଛି, ଏ ସଂକ୍ରାନ୍ତରେ ଜମ୍ମୁ ଓ କାଶ୍ମୀର ହାଇକୋର୍ଟ ନିଷ୍ପତ୍ତି ନେବେ।
ଅ୍ୟପକ୍ଷରେ କାଶ୍ମୀରରୁ ପ୍ରକାଶିତ ସମସ୍ତ ସମ୍ବାଦପତ୍ର ଛପା ଯାଉଛି ଓ କେନ୍ଦ୍ର ସରକାର ରାଜ୍ୟକୁ ସମସ୍ତ ସହାୟତା ଯୋଗାଇ ଦେଉଛନ୍ତି ବୋଲି କେନ୍ଦ୍ର ସରକାର ଖଣ୍ଡପୀଠଙ୍କୁ ଅବଗତ କରାଇଛନ୍ତି। ସେଠାରେ ଦୂରଦର୍ଶନ ସମେତ ସମସ୍ତ ବେସରକାରୀ ଟିଭି ଚ୍ୟାନେଲ୍ ଓ ଏଫ୍.ଏମ୍. ନେଟ୍ୱର୍କ ମଧ୍ୟ ରାଜ୍ୟରେ କାର୍ଯ୍ୟ କରୁଛି। ଜମ୍ମୁ-କାଶ୍ମୀର ଉପରେ କ’ଣ ପଦକ୍ଷେପ ନିଆଯାଇଛି, ସେ
ସଂକ୍ରାନ୍ତରେ ସତ୍ୟପାଠ ମାଧ୍ୟମରେ ଜଣାଇବାକୁ ଖଣ୍ଡପୀଠ ଆଟର୍ଣ୍ଣି ଜେନେରାଲ୍ କେ. କେ ବେଣୁଗୋପାଳଙ୍କୁ କହିଛନ୍ତି।
