ମୁମ୍ବଇ : ଛୋଟ ପରଦାର ଲୋକପ୍ରିୟ ଅଭିନେତା ଜୈନ ଇମାମ ଡେଙ୍ଗୁ ରୋଗରେ ପୀଡ଼ିତ ହୋଇ ଡାକ୍ତରଖାନାରେ ଭର୍ତ୍ତି ହୋଇଛନ୍ତି। ଜୈନ ନିଜେ ଏହି ସୂଚନା ଦେଇଛନ୍ତି। ସେ ଏବେ ଷ୍ଟାର ପ୍ଲସରେ ପ୍ରସାରିତ ଧାରାବାହିକ ‘ଏକ ଭ୍ରମ୍ ସର୍ବଗୁଣ ସମ୍ପର୍ଣ୍ଣ’ରେ କବୀର ଭୂମିକାରେ ନଜର ଆସୁଛନ୍ତି।
ଜୈନ କହିଛନ୍ତି, ଶୋ’ର ଶେଷ ଏପିସୋଡ଼୍ ଶୁଟିଂ ସମୟରେ ମୋତେ ଡାକ୍ତରଖାନାରେ ଭର୍ତ୍ତି ହେବାକୁ ପଡ଼ିଛି। ଶୁଟିଂର ଶେଷ ଦିନରେ ମୋତେ ମଶା କାମୁଡ଼ିଥିଲା। ତା’ପରଠାରୁ ମୋତେ ଅସ୍ୱସ୍ତିକର ଅନୁଭବ ହୋଇଥିଲା। ରାତିରେ ମୋତେ ପ୍ରବଳ ମାତ୍ରାରେ ଜ୍ୱର ଆସିଲା ଓ ତତ୍କ୍ଷଣାତ୍ ମୋତେ ଡାକ୍ତରଖାନାରେ ଭର୍ତ୍ତି ହେବାକୁ ପଡ଼ିଥିଲା। ମୋର ବିଶ୍ୱାସ, ଆଉ କିଛି ଦିନ ମଧ୍ୟରେ ସୁସ୍ଥ ହୋଇ ମୁଁ ଡାକ୍ତରଖାନାରୁ ବାହାରିବି। ଡାକ୍ତର ମୋତେ ଆରାମ କରିବାକୁ ପରାମର୍ଶ ଦେଇଛନ୍ତି। କାରଣ ପୂର୍ବାପେକ୍ଷା ଶରୀର ଖୁବ୍ ଦୁର୍ବଳ ହୋଇଯାଇଛି।
