ନ୍ୟୁୟର୍କ ..- ୨୦୧୮ ବିଶ୍ୱର ରେକର୍ଡ କରାଯାଇଥିବା ଚତୁର୍ଥ ସବୁଠାରୁ ଉତ୍ତପ୍ତ ବର୍ଷ । ଆମେରିକାର ମହାକାଶ ଗବେଷଣା ସଂସ୍ଥା ନାସା ପକ୍ଷରୁ ଏହି ସୂଚନା ଦିଆଯାଇଛି । ୧୮୮୦ ମସିହା ପରଠାରୁ ପଞ୍ଜୀକୃତ କରାଯାଇଥିବା ତଥ୍ୟ ଅନୁସାରେ ଏହା ଉତ୍ତପ୍ତ ବର୍ଷ ମାନଙ୍କ ମଧ୍ୟରେ ଅନ୍ୟତମ । ନାସା ଓ ଆମେରାକିର ପାଣିପାଗ ଗବେଷଣା କେନ୍ଦ୍ର ନୋଆ ପକ୍ଷରୁ ସ୍ୱତନ୍ତ୍ର ଭାବେ ଏ ବିଷୟରେ ସର୍ବେକ୍ଷଣ କରାଯାଇଥିଲା ।
୨୦୧୬ ମସିହା ସବୁଠାରୁ ଉତ୍ତପ୍ତ ବର୍ଷ , ଏହାପରେ ୨୦୧୭ ଓ ୨୦୧୫ ମସିହା ରହିଛି । ନାସାର ତଥ୍ୟ ଅନୁସାରେ ଗତ ୫ ବର୍ଷ ବିଶ୍ୱର ସବୁଠାରୁ ଉତ୍ତପ୍ତ ବର୍ଷ ଥିଲା । ଏହାର ପ୍ରଭାବ ଆଣ୍ଟାର୍କଟିକା , ଗ୍ରୀନ୍ଲାଣ୍ଡ ଉପରେ ପଡୁଛି । ଆଣ୍ଟାର୍କଟିକା ଓ ଗ୍ରୀନଲାଣ୍ଡର ବରଫ ତରଳି ଯାଉଛି । ସମୁଦ୍ରକୂଳ ଅଞ୍ଚଳରେ ସମୁଦ୍ର ପତ୍ତନ ବୃଦ୍ଧି ପାଇବାରେ ଲାଗିଛି ।
