କଲ୍ୟାଣସିଂହପୁର: ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ମାଝୀଗୁଡା ପଞ୍ଚାୟତ ସଦରରେ ବିଦ୍ୟୁତ ବିଭାଗର ଅବହେଳା ଯୋଗୁଁ ବିଦ୍ୟୁତ ଖୁଣ୍ଟରେ ସର୍ଟ ସର୍କିଟ ହୋଇ ପାଖରେ ଥିବା ଦୁଇଟି ଜର୍ସି ଗାଈଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଛି । ମୃତ ଗାଈ ମାଲିକ କେ ନାଗଭୂଷଣ ରାଓ କହିବା ଅନୁଯାୟୀ ସବୁଦିନ ପରି ବିଦ୍ୟୁତ ଖୁଣ୍ଟରେ ଦୁଇଟି ଜର୍ସି ଗାଈ ସହ ଛୁଆକୁ ବାନ୍ଧି ରଖିଥିଲେ। ପାହାନ୍ତିଆ ୩ଟା ସମୟରେ ୧୧କେଭି ବିଦ୍ୟୁତ ଖୁଣ୍ଟରେ ବଡ ଶବ୍ଦ ହୋଇଥିଲା । ଯାହାଫଳରେ ବିଦ୍ୟୁତ ସର୍ଟ ସର୍କିଟ ହୋଇଥିବାରୁ ନିକଟରେ ବନ୍ଧା ଯାଇଥିବା ଜର୍ସି ଗାଈ ଉପରେ ପଡିବାରୁ ଦୁଇଟି ଗାଈ ମରିଯାଇଥିବା ବେଳେ ତାର ଛୁଆ ଅଳ୍ପକେ ବର୍ତ୍ତି ଯାଇଥିଲା। ଏବଂ ଜର୍ସି ଗାଈ ଗର୍ଭବତୀ ରହିଥିବା ମାଲିକ ନାଗଭୂଷଣ କହିଛନ୍ତି । ଏହି ଦୁଇ ଜର୍ସି ଗାଈର ମୂଲ୍ୟ ପ୍ରାୟ ୮୫ ହଜାର ଟଙ୍କା ହେବ ବୋଲି କହିଛନ୍ତି । ଏହାର କ୍ଷତି ପୁରାଣ ଯୋଗାଇ ଦେବାପାଇଁ ବିଦ୍ୟୁତ ବିଭାଗକୁ ଦାବି କରିଛନ୍ତି । ଗୋଟିଏ ଗାଈକୁ ଟ୍ରାନ୍ସଫର୍ମର ଖୁଣ୍ଟ ଓ ଅନ୍ୟ ଗାଈକୁ ବିପିଲ କରେଣ୍ଟ ଖୁଣ୍ଟରେ ବାନ୍ଧିଥିଲେ । ବିଦ୍ୟୁତ ଦ୍ୱାରା ଗାଈର ମୃତ୍ୟୁ ହୋଇଥିବା ଗ୍ରାମର ଦାମା ସେଠି, ସୁମିତ କୁମାର ନାୟକ, ଗାଈ ମାଲିକ କହୁଥିବା ବେଳେ ବିଦ୍ୟୁତ ବିଭାଗୀୟ କନିଷ୍ଠ ଯନ୍ତ୍ରୀ ବିକ୍ରମ କେଶରୀ ସାହୁ ଓ ଥାନା ଏସ ଆଇ ବିମଲ କହଁର ଘଟଣା ସ୍ଥଳରେ ପହଞ୍ଚି ପ୍ରାଥମିକ ତଦନ୍ତ କରିଥିଲେ । ବିଦ୍ୟୁତ ଚଡକରେ ଗାଈର ମୃତ୍ୟୁ ହୋଇନାହିଁ ବରଂ ଅନ୍ୟ କୌଣସି କାରଣ ଯୋଗୁଁ ମୃତ୍ୟୁ ହୋଇଥିବା କନିଷ୍ଠ ଯନ୍ତ୍ରୀ କହିଛନ୍ତି ।
Comments are closed.